ചെര്പ്പുളശ്ശേരി: ചളവറയിലെ കോണ്ഗ്രസ് നേതാവിന് കോവിഡ് സ്ഥിരീകരിച്ചതോടെ ഇദ്ദേഹത്തിന്റെ മകന്റെ വിവാഹ ചടങ്ങില് പങ്കെടുത്ത നൂറോളം പേര് ഹോം ക്വാറന്റൈനില്. ചളവറ പഞ്ചായത്ത് പ്രസിഡന്റും രണ്ട് അംഗങ്ങളും വിവിധ കക്ഷി നേതാക്കളും ഉള്പ്പെടെയുള്ളവരാണ് ക്വാറന്റൈനിലായത്.
ജൂലൈ 18നായിരുന്നു വിവാഹം. കയിലിയാട്ടെ വീട്ടില് നടന്ന വിവാഹ ചടങ്ങില് വിവാഹ പന്തല് ഒരുക്കാനെത്തിയ നെല്ലായ സ്വദേശിയായ തൊഴിലാളിക്ക് കോവിഡ് സ്ഥിരീകരിച്ചിരുന്നു.
ഇതിന് പിന്നാലെ നടത്തിയ പരിശോധനയിലാണ് കോണ്ഗ്രസ് നേതാവിനും രോഗം സ്ഥിരീകരിച്ചത്. പ്രാഥമിക സമ്പര്ക്കപ്പട്ടികയിലുള്ളവര്ക്കെല്ലാം ആന്റിജന് പരിശോധന നടത്താന് പഞ്ചായത്ത് ഭരണസമിതി യോഗം തീരുമാനിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ