തിരുവനന്തപുരം: സംസ്ഥാനത്ത് ആറ് പ്രദേശങ്ങള് കൂടി ഹോട്ട്സ്പോട്ട്. കാസര്ഗോഡ് മൂന്നും പാലക്കാട് രണ്ട് പഞ്ചായത്തുകളും കോട്ടയത്തെ ചങ്ങനാശ്ശേരി മുനിസിപ്പാലിറ്റിയുമാണ് ഇന്ന് ഹോട്ട്സ്പോട്ടായത്. ഇതോടെ നിലവിൽ സംസ്ഥാനത്ത് മൊത്തം 82 ഹോട്ട്സ്പോട്ടുകളാണുള്ളത്.
ഇന്ന് സംസ്ഥാനത്ത് പുതുതായി 84 പേര്ക്ക് കൂടിയാണ് കോവിഡ് 19 സ്ഥിരീകരിച്ചിട്ടുള്ളത്. അഞ്ചുപേര് ഒഴികെ മറ്റെല്ലാവരും പുറത്ത് നിന്ന് എത്തിയവരാണ്. 31 പേരാണ് വിദേശത്ത് നിന്ന് എത്തിയത്. മറ്റു സംസ്ഥാനങ്ങളില് നിന്ന് എത്തിയ 48 പേര്ക്കും കോവിഡ് സ്ഥിരീകരിച്ചു.
ഇന്ന് മൂന്നു പേരുടെ പരിശോധനാഫലം നെഗറ്റീവായതായും മുഖ്യമന്ത്രി പിണറായി വിജയന് വാര്ത്താസമ്മേളനത്തില് പറഞ്ഞു. കോവിഡ് അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.സംസ്ഥാനത്ത് ഏറ്റവുമധികം കോവിഡ് കേസുകള് റിപ്പോര്ട്ട് ചെയ്ത ദിവസമാണ് ഇന്നെന്ന് മുഖ്യമന്ത്രി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ