പാലക്കാട്: രണ്ട് ഉത്സവ ട്രെയിനുകൾ കൂടി സംസ്ഥാനത്ത് നിന്ന് സർവീസ് ആരംഭിക്കുന്നു. തിരുവനന്തപുരം- നിസാമുദ്ദീൻ- തിരുവനന്തപുരം പ്രതിവാര സൂപ്പർഫാസ്റ്റ് സ്പെഷൽ (പാലക്കാട് ജങ്ഷൻ -കട്പാടി വഴി) ഏപ്രിൽ 13ന് സർവിസ് ആരംഭിക്കും.
06167 തിരുവനന്തപുരം -നിസാമുദ്ദീൻ വീക്ക്‌ലി സൂപ്പർ ഫാസ്റ്റ് സ്പെഷൽ ചൊവ്വാഴ്ചകളിൽ ഉച്ചക്ക് 2.15ന് തിരുവനന്തപുരത്തുനിന്ന് പുറപ്പെട്ട്, വ്യാഴാഴ്ചകളിൽ വൈകീട്ട് 5.50ന് നിസാമുദ്ദീനിലെത്തും. 06168 നിസാമുദ്ദീൻ -തിരുവനന്തപുരം പ്രതിവാര സൂപ്പർ ഫാസ്റ്റ് സ്പെഷൽ ഏപ്രിൽ 16 മുതൽ സർവിസ് ആരംഭിക്കും. വെള്ളിയാഴ്ചകളിൽ പുലർച്ച 05.10ന് നിസാമുദ്ദീനിൽനിന്ന് പുറപ്പെടുന്ന ട്രെയിൻ, ഞായറാഴ്ചകളിൽ രാവിലെ 07.05ന് തിരുവനന്തപുരത്ത് എത്തും.
ഏപ്രിൽ 12നാണ് 02648 കൊച്ചുവേളി -കോർബ ദ്വൈവാര സൂപ്പർഫാസ്റ്റ് ഫെസ്റ്റിവൽ സ്പെഷൽ സർവിസ് തുടങ്ങുന്നത്. തിങ്കളാഴ്ചയും വ്യാഴാഴ്ചയും രാവിലെ 6.15ന് കൊച്ചുവേളിയിൽ നിന്ന് പുറപ്പെട്ട്, ബുധൻ, ശനി ദിവസങ്ങളിൽ പുലർച്ച മൂന്നിന് കോർബയിലെത്തും. 02647 കോർബ- കൊച്ചുവേളി ദ്വൈവാര സൂപ്പർഫാസ്റ്റ് ഫെസ്റ്റിവൽ സ്പെഷൽ ഏപ്രിൽ 14 മുതൽ സർവിസ് ആരംഭിക്കും. ബുധൻ, ശനി ദിവസങ്ങളിൽ വൈകീട്ട് 7.40ന് കോർബയിൽനിന്ന് പുറപ്പെടും. വെള്ളി, തിങ്കൾ ദിവസങ്ങളിൽ വൈകീട്ട് 4.20ന് കൊച്ചുവേളിയിൽ എത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
