മലപ്പുറം: എടക്കരയില്‍ ബ്യൂട്ടി പാര്‍ലറില്‍ മലമ്പാമ്പ് കയറി. സാധനങ്ങള്‍ വച്ചിരുന്ന റേക്കില്‍ ചുരുണ്ടുകൂടി കിടന്ന പാമ്പിനെ തുണിയാണെന്നു കരുതി ജീവനക്കാരി പിടിച്ചപ്പോള്‍ ഇളകിയതോടെയാണ് പാമ്പാണെന്ന് അറിയുന്നത്.
ടൗണിലെ ബ്യൂട്ടി പാര്‍ലറില്‍ ഇന്നലെ രാവിലെ പതിനൊന്നോടെയാണ് സംഭവം. 6 അടി നീളവും 8 കിലോഗ്രാമോളം തൂക്കവുമുള്ള പാമ്പിനെ ട്രോമാകെയര്‍ വൊളന്റിയര്‍ പാലാങ്കര ഹംസയാണു പിടികൂടിയത്. അതേസമയം കെട്ടിടത്തിന്റെ ഒന്നാം നിലയിലുള്ള ബ്യൂട്ടി പാര്‍ലറിന്റെ ശീതീകരിച്ച മുറിക്കുള്ളില്‍ എങ്ങനെയാണ് മലമ്പാമ്പ് കയറിക്കൂടിയതെന്നതില്‍ വ്യക്തതയില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
