പാലക്കാട്: നിയമസഭാ സ്പീക്കറും സിപിഎം സംസ്ഥാന സമിതി അംഗവുമായ എംബി രാജേഷിനെ വാര്‍ത്താ ചാനലിലെ ചര്‍ച്ചയില്‍ അപകീര്‍ത്തിപ്പെടുത്തിയെന്ന പരാതിയില്‍ അഡ്വ. എ ജയശങ്കറിനെതിരെ കേസ് എടുത്തു. വാളയാര്‍ കേസുമായി ബന്ധപ്പെട്ട് 2019ല്‍ ചാനലിലൂടെ നടത്തിയ പരാമര്‍ശം അപകീര്‍ത്തികരമാണെന്ന് ആരോപിച്ച് നിയമസഭാംഗമാകുന്നതിന് മുന്‍പ് എംബി രാജേഷ് ഒറ്റപ്പാലം ജ്യൂഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ സമര്‍പ്പിച്ച ഹര്‍ജി പരിഗണിച്ചാണ് കേസ്.
സമന്‍സ് പ്രകാരം ഒക്ടോബര്‍ 20ന് ജയശങ്കര്‍ നേരിട്ട് ഹാജരാകണം. എംബി രാജേഷിന്റെ സഹോദരന്‍ നിതിന്‍ കണിച്ചേരിക്കെതിരെയും അഡ്വ. ജയശങ്കര്‍ ചര്‍ച്ചയ്ക്കിടെ ആരോപണം ഉന്നയിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
