വയനാട്ടില് തിങ്കളാഴ്ച യുഡിഎഫ് ഹര്ത്താല്
കല്പ്പറ്റ: വയനാട്ടില് തിങ്കളാഴ്ച ഹര്ത്താല് ആചരിക്കാന് യുഡിഎഫ് ആഹ്വാനം. വയനാട് വന്യജീവി സങ്കേതത്തിന് ചുറ്റുമുള്ള പ്രദേശങ്ങള് പരിസ്ഥിതി ദുര്ബല പ്രദേശമായി പ്രഖ്യാപിച്ച് കേന്ദ്ര സര്ക്കാര് കരട് വിജ്ഞാപനം പുറപ്പെടുവിച്ചതില് പ്രതിഷേധിച്ചാണ് യുഡിഎഫ് ഹര്ത്താലിന് ആഹ്വാനം ചെയ്തത്. രാവിലെ ആറുമുതല് വൈകീട്ട് ആറുവരെയാണ് ഹര്ത്താല്.
കഴിഞ്ഞദിവസമാണ് വയനാട് വന്യജീവി സങ്കേതത്തിന് ചുറ്റുമുള്ള പ്രദേശങ്ങള് പരിസ്ഥിതി ദുര്ബല പ്രദേശമായി കേന്ദ്രസര്ക്കാര് പ്രഖ്യാപിച്ചത്. ഇവിടെ ഒന്പതോളം പ്രവര്ത്തനങ്ങള്ക്ക് നിരോധനം ഏര്പ്പെടുത്തി. ഇതിന്റെ കരട് വിജ്ഞാപനം പുറത്തിറങ്ങി.
വന്യജീവി സങ്കേതത്തിന് പുറത്ത് വരുന്ന 99.5 ചതുരശ്ര കിലോമീറ്റര് പ്രദേശമാണ് പരിസ്ഥിതി ദുര്ബല പ്രദേശത്തിന്റെ പരിധിയില് വരുന്നതെന്ന് കരട് വിജ്ഞാപനം വ്യക്തമാക്കുന്നു. പാറ ഖനനം, വന്കിട ജലവൈദ്യുത പദ്ധതികള്, തടിമില്ലുകള്, ജലം, വായു, മണ്ണ് എന്നിവ മലിനപ്പെടുത്തുന്ന വ്യവസായങ്ങള് എന്നിവയുള്പ്പെടെ ഒന്പതോളം പ്രവര്ത്തനങ്ങളാണ് നിരോധിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ