മണ്ണ് തന്ന വിളവ്; അഞ്ച് കിലോ ഭാരമുള്ള ഭീമൻ ഇഞ്ചി 

ഇടുക്കി: കൃഷിയിടത്തില്‍ ഭീമന്‍ ഇഞ്ചി വിളവെടുത്തിരിക്കുകയാണ് ഇടുക്കി കട്ടപ്പന സ്വദേശി അനില്‍. അഞ്ച് കിലോ ഭാരമുള്ള ഇഞ്ചിയാണ് അനിൽ വിളവെടുത്തത്. അസാധാരണമായ ഈ സംഭവം കൗതുകത്തോടെയാണ് നാട്ടുകാരും ഏറ്റെടുത്തിരിക്കുന്നത്.

സ്വന്തം ആവശ്യങ്ങള്‍ക്ക് മാത്രമായാണ് അനിൽ കൃഷി ചെയ്തത്. വളമൊന്നും ചെയ്യാതെയാണ് മണ്ണ് ഇത്രയും വിളവ് നല്‍കിയതെന്ന് അനിൽ പറയുന്നു. ഇഞ്ചികൃഷി ഹിറ്റായതോടെ വീണ്ടും കൃഷി തുടങ്ങിയാലോയെന്ന ആലോചനയിലാണ് ഈ കട്ടപ്പനക്കാരൻ. മുന്‍പ് വില്‍ക്കാനായി ഇഞ്ചി കൃഷി ചെയ്തിരുന്നെങ്കിലും വില ലഭിക്കാതായതോടെയാണ് അവസാനിപ്പിച്ചതെന്ന് അദ്ദേഹം പറഞ്ഞു.