കോവിഡ്​ ബാധിച്ച്​ മരിച്ചവർക്ക്​ നാല്​ ലക്ഷം രൂപ ധനസഹായം: സന്ദേശം വ്യാജമെന്ന്​ പൊലീസ്​ 

By സമകാലിക മലയാളം ഡെസ്‌ക്‌  |   Published: 06th June 2021 02:07 PM  |  

Last Updated: 06th June 2021 02:07 PM  |   A+A-   |  

fake_message_alert

ചിത്രം: ഫേസ്ബുക്ക്

 

തിരുവനന്തപുരം: കോവിഡ് ബാധിച്ച് മരിച്ചവരുടെ കുടുംബങ്ങൾക്ക് ധനസഹായം ലഭിക്കുമെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന സന്ദേശം വ്യാജം. സംസ്ഥാന ദുരന്തനിവാരണ ഉത്തരവാദിത്വ​ ഫണ്ടിൽ നിന്നും നാല്​ ലക്ഷം രൂപ ധനസഹായം നൽകുന്നുണ്ടെന്ന സന്ദേശമായിരുന്നു സാമൂഹിക മാധ്യമങ്ങളിലൂടെ വ്യാപകമായി പ്രചരിച്ചത്​. 

ഈ സന്ദേശവും ഒപ്പമുള്ള അപേക്ഷഫോമും വ്യാജമാണെന്ന് പ്രസ് ഇൻഫർമേഷൻ ബ്യൂറോ ഫാക്ട് ചെക്ക് വിഭാഗം അറിയിച്ചതായി കേരള പൊലീസ്​ വ്യക്തമാക്കി. 

"കോവിഡ്19 ബാധിച്ച് മരിച്ചവർക്ക് സ്റ്റേറ്റ് ഡിസാസ്റ്റർ റെസ്പോൺസ് ഫണ്ടിൽ നിന്നും 4 ലക്ഷം രൂപയുടെ ധനസഹായം ലഭിക്കും എന്ന രീതിയിൽ സമൂഹമാധ്യമങ്ങളിൽ പ്രചരിക്കുന്ന സന്ദേശവും അപേക്ഷഫോമും വ്യാജമാണെന്ന് പ്രസ് ഇൻഫർമേഷൻ ബ്യൂറോ ഫാക്ട് ചെക്ക് വിഭാഗം വ്യകത്മാക്കിയിട്ടുണ്ട്", കേരള പൊലീസ് ഔദ്യോ​ഗിക ഫേസ്ബുക്ക് പേജിലൂടെ അറിയിച്ചു.