'കരാർ കള്ളൻ മോഷ്ടിച്ചിട്ടില്ലെന്ന് പറയുന്നപോലെ'; പിണറായി സർക്കാർ മത്സ്യതൊഴിലാളികളെ വഞ്ചിച്ചു; രാഹുൽ ഗാന്ധി (വീഡിയോ)

എന്തുകൊണ്ട്​ കരാർ രഹസ്യമാക്കി വെച്ചെന്ന്​ സിപിഎം വി​ശദീകരിക്കണം
തെരഞ്ഞെടുപ്പ് പ്രചാരണത്തിനിടെ രാഹുല്‍ ഗാന്ധി
തെരഞ്ഞെടുപ്പ് പ്രചാരണത്തിനിടെ രാഹുല്‍ ഗാന്ധി


കൊച്ചി:  ആഴക്കടൽ മത്സ്യബന്ധനത്തിന്​ അമേരിക്കൻ കമ്പനിയുമായി രഹസ്യ കരാർ ഒപ്പിട്ട എൽഡിഎഫ്​ സർക്കാർ മത്സ്യത്തൊഴിലാളികളെ വഞ്ചിച്ചെന്ന്​ കോൺഗ്രസ്​ നേതാവ്​ രാഹുൽ ഗാന്ധി. എന്തുകൊണ്ട്​ കരാർ രഹസ്യമാക്കി വെച്ചെന്ന്​ സിപിഎം വി​ശദീകരിക്കണം. കള്ളത്തരം പുറത്തായപ്പോഴാണ്​ കരാർ റദ്ദാക്കിയതെന്നും അദ്ദേഹം പറഞ്ഞു. എറണാകുളം ജില്ലയിൽ വൈപ്പിൻ, കൊച്ചി, തൃപ്പൂണിത്തുറ മണ്ഡലങ്ങളിലെ തെരഞ്ഞെടുപ്പ്​ പ്രചാരണ പരിപാടികളിൽ സംസാരിക്കുകയായിരുന്നു അദ്ദേഹം.

വീട്ടിനകത്ത്​ കയറിയ മോഷ്​ടാവ്​ പിടിക്കപ്പെടുമെന്നായപ്പോൾ താൻ മോഷ്​ടിക്കാനല്ല കയറിയതെന്ന്​ പറയുന്ന പോലെയാണ്​ സർക്കാർ നിലപാട്​. എൽ.ഡി.എഫിന്റെ ഇരട്ടത്താപ്പാണിത്​. കേരളത്തിലെ ചെറുപ്പക്കാർ നിരാശരാണ്. ഇടതുപക്ഷ പോഷകസംഘടനാംഗങ്ങൾക്ക് മാത്രമാണ് സംസ്ഥാനത്ത് ജോലി ലഭിക്കുന്നതെന്ന് രാഹുൽ ആരോപിച്ചു. ചെറുപ്പക്കാർക്കും പരിചയ സമ്പന്നർക്കും പ്രാധാന്യമുള്ള സ്ഥാനാർഥി പട്ടികയാണ് കോൺഗ്രസ് തയ്യാറാക്കിയിരിക്കുന്നത്. ഈ പട്ടികയിലെ അംഗങ്ങൾ വിജയിച്ച് നിയമസഭയിലെത്തിയാൽ കേരളത്തിലെ വിവിധതരം പ്രശ്‌നങ്ങൾക്ക് പരിഹാരം കാണാനാവുമെന്നും രാഹുൽ പറഞ്ഞു.

രാജ്യത്ത്​ വിദ്വേഷം ആളിക്കത്തിക്കുകയാണ്​. സമൂഹത്തെ വിഭജിക്കുകയാണ്​ കേന്ദ്രസർക്കാറെന്നും അദ്ദേഹം പറഞ്ഞു. പ്രതിപക്ഷ നേതാവ്​ രമേശ്​ ചെന്നിത്തല, മുതിർന്ന കോൺഗ്രസ്​ നേതാവ്​ താരിഖ്​ അൻവർ, ഹൈബി ഈഡൻ എം.പി, വിവിധ കോൺഗ്രസ്​ സ്ഥാനാർഥികൾ എന്നിവർ പരിപാടികളിൽ പ​ങ്കെടുത്തു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com