കാലടി ശ്രീശങ്കര കോളജിൽ ഡിജെ പാർട്ടി; സംഘർഷം, പൂർവവിദ്യാർഥിക്ക് കുത്തേറ്റു 

By സമകാലിക മലയാളം ഡെസ്‌ക്‌  |   Published: 30th March 2021 09:58 PM  |  

Last Updated: 30th March 2021 09:58 PM  |   A+A-   |  

knife-bayonet

പ്രതീകാത്മക ചിത്രം

 

കൊച്ചി: കാലടി ശ്രീശങ്കര കോളജിൽ നടന്ന ഡിജെ പാർട്ടിക്കിടെ പൂർവവിദ്യാർഥിക്ക് കുത്തേറ്റു. അമൽ ശിവൽ (24) എന്ന യുവാവിന്റെ വയറ്റിലാണ് കുത്തേറ്റത്. മാഗസിൻ പ്രകാശനത്തോടനുബന്ധിച്ചു സംഘടിപ്പിച്ച പാർട്ടിക്കിടെ ഉണ്ടായ സംഘർഷത്തിലാണ് സംഭവം. അമലിനെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു. 

അമലിന്റെ നില ​ഗുരുതരമാണെന്നും ശസ്ത്രക്രിയയ്ക്ക് വിധേയനാക്കി എന്നുമാണ് റിപ്പോർട്ട്. യുവാവിനെ കുത്തിയ വിദ്യാർഥിയും കോളജിൽ മുമ്പ് പഠിച്ചയാളാണ്. വ്യക്തി വിരോധമാണ് ആക്രമണത്തിന് പിന്നിലെ കാരണമെന്നാണ് വിവരം.