മസ്കത്ത്; ഒമാനിൽ വച്ചുണ്ടായ റോഡ് അപകടത്തിൽ പ്രവാസി മലയാളി മരിച്ചു. പാലക്കാട് കൊടുന്തിരപള്ളി പോടൂര്‍ സ്വദേശി കെ. ഗോപിനാഥന്‍ (63) ആണ് മരിച്ചത്. തെക്കന്‍ ബാത്തിന ഗവര്‍ണറേറ്റിൽ ബര്‍കയിലെ അല്‍ഹറം പെട്രോള്‍ പമ്പിന് സമീപം വെള്ളിയാഴ്ച വൈകിട്ട് 6.20ന് ആയിരുന്നു അപകടം.
റോഡ് മുറിച്ച് കടക്കുന്നതിനിടെ ട്രെയിലര്‍ വന്നിടിക്കുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഗള്‍ഫ് പെട്രോ കെമിക്കല്‍ കമ്പനിയിലെ ജീവനക്കാരനായിരുന്നു. മാതാവ്: കമലമ്മ. ഭാര്യ: ഹേമാവതി. മക്കള്‍: ഗ്രീഷ്മ, ഗോകുല്‍ ഗോപിനാഥ്. മൃതദേഹം നാട്ടില്‍ കൊണ്ടുപോകാനുള്ള ശ്രമങ്ങള്‍ നടന്നു വരികയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
