കോഴിക്കോട്: തെരുവുനായയുടെ കടിയിൽ നിന്ന് രക്ഷപെടാൻ ഓടിയ യുവാവ് കാറിടിച്ചു മരിച്ചു. നായ പിന്തുടരുന്നത് കണ്ട് കടിയേൽക്കാതിരിക്കാൻ നടപ്പാതയിൽ നിന്ന് റോഡിലേക്ക് ഇറങ്ങിയോടിയ യുവാവിനെ അമിതവേഗത്തിൽ എത്തിയ കാർ ഇടിക്കുകയായിരുന്നു. മുഹമ്മദ് നിഹാൽ(20) ആണു മരിച്ചത്.
കോഴിക്കോട്ട് സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്ന നിഹാൽ ഇന്നലെ രാവിലെയാണു മരിച്ചത്. എടച്ചേരി മണ്ഡലം കോൺഗ്രസ് സെക്രട്ടറി തലായിയിലെ വലിയ പറമ്പത്ത് വി പി അബ്ദുൽ മജീദിന്റെയും സമീറയുടെയും മകനാണ് നിഹാൽ. മുസ്ലിം യൂത്ത് ലീഗ് തലായി ശാഖാ വൈസ് പ്രസിഡന്റാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ