തൃശൂര് : വെപ്പുപല്ല് ഇളകിപ്പോയി അന്നനാളത്തില്ക്കുടുങ്ങി ചികിത്സയിലായിരുന്ന യുവാവ് മരിച്ചു. കനകമല ആപറമ്പില് തോമസിന്റെ മകന് ജസ്റ്റിന് (35) ആണ് മരിച്ചത്. ചാലക്കുടി മാര്ക്കറ്റിലെ ഓട്ടോ ഡ്രൈവാണ്.
സെപ്റ്റംബര് 30നായിരുന്നു സംഭവം. വെപ്പുപല്ല് അബദ്ധത്തില് വെള്ളത്തോടൊപ്പം ഇറങ്ങിപ്പോവുകയായിരുന്നു. പ്രാഥമികശുശ്രൂഷയ്ക്കുശേഷം എറണാകുളത്ത് സ്വകാര്യ ആശുപത്രിയില്വെച്ച് തിങ്കളാഴ്ച ശസ്ത്രക്രിയയിലൂടെ അന്നനാളം മുറിച്ച് പല്ല് പുറത്തടുത്തിരുന്നു.
എന്നാല് അണുബാധയെത്തുടര്ന്ന് മരണം സംഭവിക്കുകയായിരുന്നു. എല്സി തോമസ് ആണ് ജസ്റ്റിന്റെ അമ്മ. ഭാര്യ : വിന്ഷി, രണ്ടു മക്കളുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ