തിരുവനന്തപുരം: സംസ്ഥാനത്ത് ചക്രവാതച്ചുഴിയുടെ സ്വാധീനഫലമായി മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ചൊവ്വാഴ്ച മുതല് തെക്കന് ജില്ലകളിലും മധ്യകേരളത്തിലും മഴ ലഭിക്കുമെന്നും ജാഗ്രത പാലിക്കണമെന്നും മുന്നറിയിപ്പില് പറയുന്നു.
ബംഗാള് ഉള്ക്കടലില് ആന്ഡമാന് കടലിലും സമീപ പ്രദേശങ്ങളിലുമായി നാളെയോടെ (ഞായറാഴ്ച) ചക്രവാതച്ചുഴി രൂപപ്പെടാന് സാധ്യതയെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പില് പറയുന്നത്. ചക്രവാതച്ചുഴി ശക്തി പ്രാപിച്ച് തെക്കുകിഴക്കന് ബംഗാള് ഉള്ക്കടലില് ന്യൂനമര്ദമായി ശക്തി പ്രാപിച്ചേക്കും.
ചൊവ്വാഴ്ച മുതല് മഴയ്ക്ക് സാധ്യത
ഈ ന്യൂനമര്ദ്ദം ശ്രീലങ്ക ഭാഗത്തേക്ക് നീങ്ങാനും സാധ്യതയുള്ളതായി കാലാവസ്ഥാ വകുപ്പ് വ്യക്തമാക്കി. ഇതിന്റെ ഫലമായി സംസ്ഥാനത്ത് ചൊവ്വാഴ്ച മുതല് മഴ കിട്ടിയേക്കുമെന്നാണ് പ്രവചനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ