കോഴിക്കോട്: മുസ്ലിം ലീഗിന്റെ പോഷക സംഘടനയായ ഹരിതയുടെ മുൻ ഭാരവാഹികളുടെ നേതൃത്വത്തിൽ പുതിയ സംഘടന നിലവിൽവന്നു. 'ഷീറൊ' (സോഷ്യൽ ഹെൽത്ത് എംപവർമെൻറ് റിസോഴ്സ് ഓർഗനൈസേഷൻ) എന്ന പേരിലാണ് സംഘടന രൂപവത്കരിച്ചത്. ഹരിതയിൽ നിന്ന് പുറത്താക്കപ്പെട്ടവർ പുതിയ സംഘടനയിൽ അംഗങ്ങളാണ്.
ഷീറോയുടെ ഭരണസമിതിയിലെ ഏഴ് പേരിൽ അഞ്ച് പേരും ഹരിത മുൻ ഭാരവാഹികളാണ്. ഹരിത മുൻ പ്രസിഡന്റ് മുഫീദ തെസ്‌നിയാണ് ചെയർപേഴ്‌സൺ. ഒരു രാഷ്ട്രീയ പാർട്ടിയുടെയും കീഴിലല്ല സംഘടന രജിസ്റ്റർ ചെയ്തതെന്നും സ്വതന്ത്ര സംഘടനയാണെന്നും മുഫീദ തെസ്നി പറഞ്ഞു.സ്ത്രീകളുടെ കുട്ടികളുടെയും ഉന്നമനമാണ് ലക്ഷ്യമെന്നും വ്യത്യസ്ത രാഷ്ട്രീയ പാർട്ടിയിൽ ഉള്ളവർ സംഘടനയുടെ ഭാഗമാണെന്നും അവർ പറഞ്ഞു.
നേതൃത്വവുമായുള്ള ഭിന്നതയെ തുടർന്നാണ് ഹരിതയുടെ മുൻ കമ്മിറ്റിയെ മുസ്ലിം ലീഗ് പിരിച്ചുവിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
