കാസർകോട്: പ്രമുഖ തീർഥാടനകേന്ദ്രമായ തിരുപ്പതിയിലേക്ക് മംഗളൂരുവിൽനിന്ന് ട്രെയിൻ സർവിസ് തുടങ്ങുന്നത് പരിഗണിക്കാമെന്ന് ദക്ഷിണ റെയിൽവേ. ബോർഡിന്റെ ടൈംടേബിൾ കമ്മിറ്റിയുടെ അടുത്ത യോഗം നിർദേശം പരിശോധിക്കുമെന്ന് ദക്ഷിണ റെയിൽവേ അധികൃതർ അറിയിച്ചു. പാലക്കാട് വഴി ട്രെയിൻ അനുവദിച്ചാൽ മലബാറിലുള്ളവർക്ക് ഗുണകരമാകും.
കഴിഞ്ഞയാഴ്ച നടന്ന പാലക്കാട് ഡിവിഷനിലെ എം.പിമാരുടെ യോഗത്തിലാണ് വിഷയം ചർച്ചയായത്. മംഗളൂരു സെൻട്രലിൽനിന്ന് ഹാസൻ വഴി ട്രെയിൻ വേണമെന്നാണ് ദക്ഷിണ കന്നഡ എംപി യോഗത്തിൽ ആവശ്യപ്പെട്ടത്.
മംഗളൂരുവിൽനിന്ന് ഏറ്റവും സൗകര്യപ്രദം പാലക്കാട് വഴിയാണെന്നിരിക്കെയാണ് ഇദ്ദേഹം കർണാടക വഴിയുള്ള നിർദേശം സമർപ്പിച്ചത്. നേരത്തെ മംഗളൂരുവിൽനിന്ന് ജമ്മുതാവി എക്സ്പ്രസ് തിരുപ്പതി വഴി സർവിസ് നടത്തിയിരുന്നു. കോവിഡ് ആയപ്പോൾ നിർത്തുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ