കല്‍പ്പറ്റ: സിപിഎം നേതാവ് പി എ മുഹമ്മദ് അന്തരിച്ചു. 84 വയസ്സായിരുന്നു. വൈത്തിരി ചേലോട് ഗുഡ്‌ഷെപ്പേര്‍ഡ് ആശുപത്രിയില്‍ വെള്ളിയാഴ്ച പകല്‍ 11.30 ഓടെയായിരുന്നു അന്ത്യം.
സിപിഎം വയനാട് മുന്‍ ജില്ലാ സെക്രട്ടറിയാണ്. 1973ല്‍ സിപിഎം വയനാട് ജില്ലാ കമ്മിറ്റി രൂപീകരിച്ചപ്പോള്‍ മുതല്‍ സെക്രട്ടറിയറ്റംഗമായിരുന്ന, പി എ മുഹമ്മദ്, കാല്‍ നൂറ്റാണ്ട് കാലം ജില്ലാ സെക്രട്ടറിയായി പ്രവര്‍ത്തിച്ചു.
സിപിഐ സംസ്ഥാന കമ്മറ്റി അംഗം ,സിഐടിയു ജില്ലാ പ്രസിഡന്റ്, വൈത്തിരി പ്രാഥമിക കാർഷിക ഗ്രാമവികസന ബാങ്ക്‌ പ്രസിഡന്റ്, മേപ്പാടി പഞ്ചായത്ത്‌ പ്രസിഡന്റ്, ദേശാഭിമാനി ഡയറക്ടർ ബോർഡംഗം തുടങ്ങിയ പദവികളിൽ പ്രവർത്തിച്ചിട്ടുണ്ട്.
2017 ൽ ആരോഗ്യപരമായ കാരണങ്ങളാൽ സംസ്ഥാന സമിതിയിൽ നിന്നും ഒഴിവാകുകയായിരുന്നു. നേരിയതോതിലുള്ള പക്ഷാഘാതത്തെ തുടർന്ന്‌ ഒരു മാസമായി ചികിത്സയിലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
