കോഴിക്കോട്: കോഴിക്കോട് കട്ടിപ്പാറിയലെ ആദിവാസി യുവതിയുടെ മരണത്തില് സഹോദരി ഭര്ത്താവ് രാജന് അറസ്റ്റില്. കസ്റ്റഡിയിലെടുത്ത് ചോദ്യം ചെയ്തതിന് പിന്നാലെ പ്രതി കുറ്റം സമ്മതിക്കുകയായിരുന്നു. 2019ല് ലീലയുടെ മകന് രോണുവിനെയും കൊലപ്പെടുത്തിയത് രാജനായിരുന്നു. ഈ കേസില് ജയിലില് ആയിരുന്ന രാജന് ഒരുമാസം മുമ്പാണ് കോളനിയില് തിരികെ എത്തിയത്.
ലീലയെ മരിച്ച നിലയില് കാണപ്പെടുന്നതിന്റെ 20 ദിവസം മുമ്പ് ലീലയും ഭര്ത്താവ് രാജഗോപാലനും സഹോദരി ഭര്ത്താവ് രാജനും ഉള്പ്പടെ അഞ്ചുപേരാണ് പ്രദേശത്തെ അമരാട്മല കയറിയത്. വനവിഭവങ്ങള് ശേഖരിക്കാനായാണ് ഇവര് മല കയറിയത്. എന്നാല് തിരിച്ചെത്തിയപ്പോള് ലീല കൂടെ ഇല്ലായിരുന്നു. പക്ഷെ ഈ വിവരം ലീലയുടെ ഭര്ത്താവ് മറച്ച് വെച്ചു.
ദിവസങ്ങള്ക്ക് ശേഷം കോളനിയില് എത്തിയ ബ്ലോക്ക് പഞ്ചായത്ത് മെമ്പര് നിധീഷാണ് ലീല കോളനിയില് ഇല്ലെന്ന് തിരിച്ചറിഞ്ഞത്. തുടര്ന്ന് പൊലീസില് പരാതി നല്കി. തുടര്ന്ന് നടത്തിയ തിരച്ചിലിലാണ് ലീലയുടെ മൃതദേഹം കണ്ടെത്തിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ