പാലക്കാട്: ചെര്‍പ്പുളശ്ശേരിയില്‍ പെട്രോള്‍ പമ്പ് ജീവനക്കാരനെ ഒരു സംഘം പമ്പില്‍വെച്ച് മര്‍ദിച്ചതായി പരാതി. ബൈക്കില്‍ പെട്രോള്‍ അടിച്ചതിന്റെ പണം ഫോണ്‍ പെ വഴി അയച്ചതിനെ ചൊല്ലിയുള്ള തര്‍ക്കമാണ് മര്‍ദനത്തിന് കാരണമായത്. കണ്ടാലറിയുന്ന 8 പേര്‍ക്കതിരെ പൊലീസ് കേസ് എടുത്തു. ഞായറാഴ്ച വൈകിട്ട് 5 മണിക്കാണ് ഒരു സംഘം പട്ടാമ്പി റോഡ് മഞ്ചക്കല്ലിലെ ഭാരത് പെട്രോളിയം പമ്പിലെ ജീവനക്കാരന് നെല്ലായ പേങ്ങാട്ടിരി സ്വദേശി അഷ്‌റഫിനെ മര്‍ദിച്ചത്. പരിക്കേറ്റ അഷ്‌റഫിനെ ചെര്‍പ്പുളശേരി സഹകരണ ആശുപത്രിയില്‍ പ്രവേശിപ്പിച്ചു.
ഫോണ്‍ പെ വഴി നല്‍കിയ പണം പരിശോധിക്കണമെന്ന് ജീവനക്കാരന് പറഞ്ഞതിനെ തുടര്‍ന്നാണ് പ്രശ്‌നനമുണ്ടായത് ജീവനക്കാരനും വന്നവരും തമ്മില്‍ ചെറിയ വാക്കുതര്‍ക്കം ഉണ്ടാവുകയും അവര്‍ പിരിഞ്ഞു പോവുകയും ചെയ്തു. എന്നാല്‍ സംഭവത്തിനു ശേഷം ഒരു കൂട്ടമാളുകള്‍ വന്ന് ആക്രമണം നടത്തുകയായിരുന്നു. ദൃശ്യങ്ങള്‍ പരിശോധിച്ച ശേഷം ആവശ്യമെങ്കില്‍ കൂടുതല്‍ പേര്‍ക്കെതിരെ കേസെടുക്കുമെന്ന് ചെര്‍പ്പുളശ്ശേരി പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
