കൊച്ചി: മീന് പിടിത്തത്തിനിടെ വള്ളം മറിഞ്ഞ് ഒരാളെ കാണാതായി. 68കാരനായ പുതുവൈപ്പിന് പാലവീട്ടില് ജോഷിയെയാണ് കാണാതായത്. ഒപ്പമുണ്ടായിരുന്ന രണ്ടുപേര് നീന്തി രക്ഷപ്പെട്ടു. ജോഷിക്കായി തിരച്ചില് തുടരുന്നു.
ഇന്നലെ വൈകീട്ടാണ് അപകടം ഉണ്ടായത്. പുതുവൈപ്പിന് എല്എന്ജി ഭാഗത്താണ് മൂവര് സംഘം വളളത്തില് മീന് പിടിക്കാന് പോയത്. മത്സ്യത്തൊഴിലാളികളായ ഇവര് മീന് പിടിക്കുന്നതിനിടെ ജോഷി തലചുറ്റി വെള്ളത്തില് വീഴുകയായിരുന്നു. ഒപ്പമുണ്ടായിരുന്നവര് രക്ഷിക്കാന് ശ്രമിച്ചെങ്കിലും ഫലമുണ്ടായില്ല.
വിവരം അറിയിച്ചതിനെ തുടര്ന്ന് പൊലീസും കോസ്റ്റല് പൊലീസും ഫയര്ഫോഴ്സും മത്സ്യത്തൊഴിലാളികളും ചേര്ന്ന് ഇന്നലെ തിരച്ചില് നടത്തിയിരുന്നു. പിന്നീട് പ്രതികൂല കാലാവസ്ഥയെ തുടര്ന്ന് തിരച്ചില് അവസാനിപ്പിച്ചു. രാവിലെ മുതല് വീണ്ടും തിരച്ചില് ആരംഭിച്ചു. ആഴമുള്ള ഭാഗത്താണ് ഇയാള് വീണത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ