തിരുവനന്തപുരം: അടുത്ത 3 മണിക്കൂറില് തിരുവനന്തപുരം, കൊല്ലം, പത്തനംത്തിട്ട, ആലപ്പുഴ, ഇടുക്കി, എറണാകുളം, തൃശൂര്, പാലക്കാട് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കോഴിക്കോടും തിരുവനന്തപുരത്തും മലയോരമേഖലകളില് ശക്തമായ മഴയാണ് പെയ്തത്. പതങ്കയത്ത് കോടഞ്ചേരി പുഴയില് മലവെള്ളപ്പാച്ചലിനിടെ പുഴയില് കുടുങ്ങിയവരെ രക്ഷപ്പെടുത്തി. താനൂര് സ്വദേശികളായ രണ്ടുപേരാണ് പുഴയുടെ മധ്യഭാഗത്തായി കുടുങ്ങിയത്. വെള്ളം അപ്രതീക്ഷിതമായി പൊങ്ങിയതിനെ തുടര്ന്ന് ഇവര് പുഴയിലെ പാറയുടെ മുകളില് കയറി നില്ക്കുകയായിരുന്നു. വടംകെട്ടിയാണ് ഇവരെ നാട്ടുകാര് കരയ്ക്കെത്തിച്ചത്.
വൈകുന്നേരത്തോടെ പ്രദേശത്ത് അപ്രതീക്ഷിത മലവെള്ളപ്പാച്ചിലുണ്ടാവുകയായിരുന്നു. തിരുവമ്പാടി പുന്നയ്ക്കല് വഴിക്കടവില് നിര്മ്മിച്ച താത്കാലിക പാലം ഒലിച്ചുപോയി.കൂടരഞ്ഞി, താമരശേരി, തിരുവമ്പാടി, തുടങ്ങിയ പ്രദേശങ്ങളില് ശക്തമായ മഴ തുടരുകയാണ്.
ഈ വാര്ത്ത കൂടി വായിക്കൂ തിരുവനന്തപുരത്ത് ബസിനുള്ളില് മൃതദേഹം; അന്വേഷണം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ