ഇടുക്കി: അടിമാലിയില് നടുറോഡില് യുവാവ് ദേഹത്ത് പെട്രോള് ഒഴിച്ച് തീകൊളുത്തി ആത്മഹത്യക്ക് ശ്രമിച്ചു. ഹോട്ടല് ജീവനക്കാരനായ ജിനീഷാണ് (39) തീകൊളുത്തിയത്. ഗുരുതരാവസ്ഥയിലായ ജിനീഷിനെ അടിമാലി താലൂക്ക് ആശുപത്രിയില് പ്രവേശിപ്പിച്ചു. ആത്മഹത്യാ ശ്രമത്തിന്റെ കാരണം വ്യക്തമായിട്ടില്ല. സംഭവത്തില് പൊലീസ് അന്വേഷണം ആരംഭിച്ചു.
വൈകീട്ട് 4.40 ഓടെ യുവാവ് അടിമാലി സെന്ട്രല് ജങ്ഷനിലെ ഹൈമാസ്റ്റ് ലൈറ്റിന് കീഴിലെത്തി. തുടര്ന്ന് കൈയില് സൂക്ഷിച്ചിരുന്ന കാനില് നിന്ന് പെട്രോള് ദേഹത്തൊഴിക്കുകയും തീകൊളുത്തുകയുമായിരുന്നു. ചുറ്റുമുള്ളവര് സംഭവം തിരിച്ചറിയുന്നതിന് മുന്പുതന്നെ തീ ആളിക്കത്തി. കൂടിനിന്നവര് നനച്ച ചാക്കിട്ടാണ് പിന്നീട് തീയണച്ചത്. ഗുരുതരമായി പൊള്ളലേറ്റ യുവാവിനെ അടിയന്തരമായി അടിമാലി താലൂക്ക് ആശുപത്രിയിലെത്തിച്ചു.
90 ശതമാനം പൊള്ളലേറ്റ യുവാവിനെ താലൂക്ക് ആശുപത്രിയിലെ പ്രാഥമിക ചികിത്സയ്ക്കുശേഷം കോട്ടയം മെഡിക്കല് കോളജ് ആശുപത്രിയിലേക്ക് മാറ്റി. പന്നിയാര്കുട്ടി സ്വദേശിയായ ഇദ്ദേഹം അവിവാഹിതനാണ്. അടിമാലിക്കു സമീപം വാടകയ്ക്കു താമസിച്ചു വരികയാണ്.
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ