കൊച്ചി: സ്കൂള് വിദ്യാര്ത്ഥികള് തമ്മിലുണ്ടായ തര്ക്കത്തെ തുടര്ന്ന് ഏഴാം ക്ലാസുകാരനെ ആക്രമിച്ച കേസില് പ്രതി പിടിയില്. നായരമ്പലം വെള്ളേപ്പറമ്പില് വീട്ടില് അനന്തകുമാറി(46)നെയാണ് മുനമ്പം പൊലീസ് അറസ്റ്റ് ചെയ്തത്.
ഏഴാം ക്ലാസ് വിദ്യാര്ത്ഥിനിയായ തന്റെ മകളോട് മോശമായി സംസാരിച്ചതിനെ തുടര്ന്ന് അതേ ക്ലാസിലെ വിദ്യാര്ത്ഥിയെ പ്രതി വഴിയില് തടഞ്ഞുനിര്ത്തി ആക്രമിക്കാന് ശ്രമിച്ചെന്നാണ് പരാതി. വിദ്യാര്ത്ഥിയുടെ പരാതിയിലാണ് പൊലീസ് കേസെടുത്തത്. അനന്തകുമാറിനെ റിമാന്ഡ് ചെയ്തു.
വിദ്യാര്ത്ഥികള് തമ്മില് ക്ലാസ് മുറിയിലുണ്ടായ തര്ക്കം സ്കൂളില് അധികൃതരുടെ സാന്നിധ്യത്തില് ഒത്തുതീര്പ്പാക്കിയിരുന്നു. എന്നാല് കഴിഞ്ഞ ദിവസം അനന്തകുമാര് അയ്യമ്പിള്ളി ജനതാ സ്റ്റോപ്പിന് സമീപം വിദ്യാര്ത്ഥിയെ തടഞ്ഞുനിര്ത്തി വധഭീഷണി മുഴക്കി കഴുത്തിന് കുത്തിപ്പിടിച്ച് മര്ദിച്ചെന്ന് പരാതിയില് പറയുന്നു.
ഈ വാര്ത്ത കൂടി വായിക്കൂ മോട്ടോര് വാഹന വകുപ്പ് ജീവനക്കാരെ അധിക്ഷേപിച്ച് പ്രസംഗം; എംഎം മണിക്ക് എതിരെ ഡിജിപിക്ക് പരാതി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ