മലപ്പുറം: പൊന്നാനിയില് അടച്ചിട്ട വീട് കുത്തിത്തുറന്ന് 350 പവന് സ്വര്ണം കവര്ന്ന സംഭവത്തില് സ്ഥിരം മോഷ്ടാക്കളെ കേന്ദ്രീകരിച്ച് അന്വേഷണം. പ്രതികളെന്ന് സംശയിക്കുന്ന അടുത്തകാലത്തായി ജയിലില് നിന്നിറങ്ങിയവരെയും പട്ടിക ശേഖരിച്ചാണ് അന്വേഷണം നടക്കുന്നത്.
കവര്ച്ച നടന്ന വീട്ടിലെ സിസിടിവി ദൃശ്യങ്ങള് നശിപ്പിക്കപ്പെട്ടത് പൊലീസിന് തെളിവുകള് ശേഖരിക്കുന്നതിന് തിരിച്ചടിയായി. കൃത്യമായ ആസൂത്രണത്തോടെയാണ് കവര്ച്ച നടത്തിയതെന്നാണ് നിഗമനം. കവര്ച്ചയ്ക്ക് പിന്നില് ഒന്നിലധികം പേര് ഉണ്ടാകാനുള്ള സാധ്യയും പൊലീസ് തള്ളിക്കളയുന്നില്ല. തിരൂര് ഡിവൈഎസ്പിയുടെ നേതൃത്വത്തിലാണ് അന്വേഷണം പുരോഗമിക്കുന്നത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
പൊന്നാനി ഐശ്വര്യ തിയറ്ററിന് സമീപമുള്ള രാജേഷിന്റെ വീട്ടിലാണ് വന്കവര്ച്ച നടന്നത്. ഇന്നലെയാണ് കവര്ച്ചാവിവരം അറിയുന്നത്. രാജേഷ് കുടുംബവുമൊന്നിച്ച് ദുബായിലാണ് താമസിക്കുന്നത്. രണ്ടാഴ്ച മുന്പാണ് ഇവര് വീട്ടില് വന്ന് മടങ്ങിയത്. ശനിയാഴ്ച വീട് വൃത്തിയാക്കാന് വന്ന ജോലിക്കാരി വീടിന്റെ പിറകുവശത്തെ ഗ്രില് തകര്ന്ന നിലയില് കാണുകയായിരുന്നു. തുടര്ന്ന് അകത്തുകയറി നോക്കിയപ്പോള് അലമാരയും മുറികളും തുറന്നിട്ട നിലയില് കണ്ടെത്തി. ഉടന് തന്നെ വീട്ടുജോലിക്കാരി വീട്ടുടമയെ വിവരം അറിയിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ