തിരുവനന്തപുരം: കെ മുരളീധരന്റെ വര്ക് അറ്റ് ഹോം പരാമര്ശത്തിനെതിരെ രൂക്ഷവിമര്ശനവുമായി പത്മജ വേണുഗോപാല്. അനിയനായിരുന്നെങ്കില് അടി കൊടുക്കാമായിരുന്നു. ഇതിപ്പോ ചേട്ടനായിപ്പോയെന്നുമാണ് പത്മജയുടെ പ്രതികരണം. ബിജെപി അംഗത്വമെടുത്ത് തിരുവനന്തപുരത്ത് തിരിച്ചെത്തിയ ശേഷം മാധ്യമങ്ങളോട് സംസാരിക്കുകയായിരുന്നു പത്മജ.
മൂന്നു നാല് പാര്ട്ടി മാറി വന്ന ആളായതുകൊണ്ട് എന്തും പറയാം. കൂടുതല് ഒന്നും പറയുന്നില്ല. ആരോഗ്യ പ്രശ്നമടക്കം ചേട്ടന് അറിയാമായിരുന്നു. അദ്ദേഹം പറയുന്നത് വോട്ടിനുവേണ്ടിയാണ്. ലോക്സഭാ തെരഞ്ഞെടുപ്പ് കഴിയുമ്പോള് കൂടുതല് കോണ്ഗ്രസുകാര് ബിജെപിയില് എത്തുമെന്നും പത്മജ പറഞ്ഞു.
തെരഞ്ഞെടുപ്പില് തന്നെ തോല്പ്പിച്ച നേതാക്കളെ കുറിച്ച് കൃത്യമായി അറിയാം. പരാതി നല്കിയെങ്കിലും നടപടി സ്വീകരിച്ചില്ല. സ്വന്തം മണ്ഡലത്തില് പോലും പ്രവര്ത്തിക്കാന് കഴിയാത്ത അവസ്ഥയാണ്. കേരളത്തില്നിന്ന് പോയാലോ എന്ന് വരെ ചിന്തിച്ചു. കെപിസിസി പ്രസിഡന്റിന്റെ മുന്നിലിരുന്ന് പൊട്ടിക്കരഞ്ഞുവെന്നും അവര് പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
എത്രയോ ആളുകള് കോണ്ഗ്രസില്നിന്ന് വിട്ടുപോയി. അച്ഛന് വരെ പോയിരുന്നു. കഴിഞ്ഞ മൂന്നു വര്ഷമായി പാര്ട്ടിയുമായി അകന്നു നില്ക്കുകയായിരുന്നുവെന്നും അവര് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ