തൃശ്ശൂര്: തെരഞ്ഞെടുപ്പ് സന്ദര്ശനത്തിയപ്പോള് ആള് കുറഞ്ഞതില് പ്രവര്ത്തകരോട് ക്ഷുഭിതനായി തൃശൂര് ലോക്സഭാ മണ്ഡലം ബിജെപി സ്ഥാനാര്ഥി സുരേഷ് ഗോപി. ശാസ്താംപൂവ്വം ആദിവാസി കോളനിയിലെ സന്ദര്ശനത്തിന് ആളു കുറഞ്ഞതിലാണ് സുരേഷ് ഗോപി ബിജെപി പ്രര്ത്തകരോട് കയര്ത്തത്.
സന്ദര്ശനത്തിനെത്തിയപ്പോള് ആള് കുറഞ്ഞതും വോട്ടര് പട്ടികയില് പ്രവര്ത്തകരുടെ പേര് ചേര്ക്കാത്തതുമാണ് പ്രകോപനത്തിന് കാരണമായത്. നിങ്ങള് എനിക്ക് വോട്ട് മേടിച്ച്തരാനാണെങ്കില് വോട്ട് ചെയ്യുന്ന പൗരന്മാര് ഇവിടെയുണ്ടാകണം. നിങ്ങള് സഹായിച്ചില്ലെങ്കില് നാളെ തന്നെ ഞാന് തിരുവനന്തപുരത്തേക്ക് പോകും. അവിടെ പോയി രാജീവ് ചന്ദ്രശേഖറിന് പ്രവര്ത്തിച്ചുകൊള്ളാമെന്നും സുരേഷ് ഗോപി പ്രവര്ത്തകരോട് പറയുന്നുണ്ട്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
സുരേഷ് ഗോപി ശാസ്താംപൂവ്വം കോളനിയില് എത്തിയപ്പോള് അവിടെ ആളുകുറവായിരുന്നു. 25 ഓളം പേര് വോട്ടര് പട്ടികയില് ചേര്ക്കാനായില്ല എന്നീ കാരണങ്ങളാണ് സുരേഷ് ഗോപിയെ പ്രകോപിതനാക്കിയത്. ഇവിടെ ബൂത്ത് ഏജന്റുമാര്ക്കും പ്രവര്ത്തകര്ക്കും എന്താണ് ജോലിയെന്നും സുരേഷ് ഗോപി ചോദിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ