തൃശ്ശൂര്: പട്ടിക്കാട് ദേശീയപാതയില് പച്ചക്കറി കയറ്റിവന്ന ലോറികള് കൂട്ടിയിടിച്ചുണ്ടായ അപകടത്തില് ഒരാള് മരിച്ചു. ഇന്ന് പുലര്ച്ചെ രണ്ടു മണിയോടെ തൃശ്ശൂര് ഭാഗത്തേക്കുള്ള പാതയിലാണ് അപകടം ഉണ്ടായത്.
തമിഴ്നാട്ടില് നിന്നും കായ കയറ്റിവന്ന
മിനി ലോറിയുടെ ഡ്രൈവര് തമിഴ്നാട് ഗോപിചെട്ടിപാളയം സ്വദേശി 27 വയസ്സുള്ള മോഹന് രാജ് ആണ് മരിച്ചത്. രണ്ട് മിനി ലോറികളും ഒരു ചരക്ക് ലോറിയുമാണ് അപകടത്തില്പ്പെട്ടത്.
ടയര് പൊട്ടിയതിനെ തുടര്ന്ന് ദേശീയപാതയിലെ സ്പീഡ് ട്രാക്കില് നിര്ത്തിയിട്ട മിനി ലോറിയുടെ ഡ്രൈവറെ സഹായിക്കാന് നിര്ത്തിയതായിരുന്നു രണ്ടാമത്തെ മിനിലോറി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഇതിന് പുറകില് പച്ചക്കറി കയറ്റിവന്ന ചരക്ക് ലോറി ഇടിച്ചാണ് അപകടം ഉണ്ടായത്. ഇടിയുടെ ആഘാതത്തില്, സഹായിക്കാനായി നിര്ത്തിയ മിനിലോറി ടയര് പൊട്ടി നിര്ത്തിയ മിനിലോറിയില് ഇടിച്ച് മറിയുകയായിരുന്നു. ഇതിനിടെ രണ്ട് മിനി ലോറികളുടേയും ഡ്രൈവര്മാര് മറിഞ്ഞ മിനിലോറിക്കടിയില് പെട്ടു.
ഇതില് ഗുരുതരമായി പരിക്കേറ്റ, ടയര് പൊട്ടി നിര്ത്തിയ മിനി ലോറിയുടെ ഡ്രൈവര് ആണ് മരിച്ചത്. മറ്റു രണ്ട് ഡ്രൈവര്മാര്ക്കും പരിക്കേറ്റിറ്റുണ്ട്.
പീച്ചി പൊലീസും ഹൈവേ പൊലീസും നാട്ടുകാരും ചേര്ന്ന് രക്ഷാ പ്രവര്ത്തനം നടത്തി മൂവരേയും തൃശ്ശൂരിലെ സ്വകാര്യ ആശുപത്രിയില് എത്തിച്ചെങ്കിലും പുലര്ച്ചെ നാലോടെ മോഹന് രാജ് മരണത്തിന് കിഴടങ്ങുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ