ദുബായി: ഇടനിലക്കാരന്‍ കൊലപ്പെടുത്തിയ ലൈംഗിക തൊഴിലാളിയുടെ മൃതദേഹം നശിപ്പിച്ചു കളയാന്‍ കൂട്ടുനിന്ന നാലുപേര്‍ക്ക് ദുബായ് കോടതി ഒരു വര്‍ഷം വീതം തടവ് ശിക്ഷ വിധിച്ചു. പാകിസ്ഥാനില്‍ നിന്നും കടത്തി കൊണ്ടുവന്ന 19വയസ്സുകാരിയെ കൊന്ന ഇടനിലക്കാരനെ സഹായിച്ച കുറ്റത്തിനാണ് ഇവരെ ശിക്ഷിച്ചത്.
19വയസ്സുകാരി മനുഷ്യക്കടത്ത് സംഘത്തിന്റെ കെണിയില്‍ പെട്ടാണ് പാകിസ്ഥാനില്‍ നിന്നും ദുബായിയിലെത്തിയത്.കഴിഞ്ഞ വര്‍ഷമാണ് കൊലപാതകം നടന്നത്. ഇടനിലക്കാരന്റെയരികില്‍ നിന്നും രക്ഷപ്പെടാന്‍ശ്രമിച്ച
യുവതിയെ ഇടനിലക്കാരന്‍ കൊല്ലുകയായിരുന്നു. കൊലപാതക ശേഷം ഇയാള്‍ നാടുവിട്ടു. തുടര്‍ന്ന് മൃതദേഹം നശിപ്പിക്കാന്‍ ശ്രമിച്ച ഇയാളുടെ കൂട്ടുകാര്‍ പൊലീസ് പിടിയിലാകുകയായിരുന്നു. മൃതദേഹം നശിപ്പിക്കാനായി ബാഗിലാക്കി കാറില്‍ കൊണ്ടുപോകവെയായിരുനനു ഇവര്‍ പൊലീസ് പിടിയിലായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
