ശമനമില്ലാതെ കോവിഡ് ; മരണം 1,70,000 കടന്നു, രോഗബാധിതരുടെ എണ്ണം 25 ലക്ഷത്തിലേക്ക്, ഗുരുതരാവസ്ഥയില് 56,000 പേര്
വാഷിങ്ടണ് : ലോകത്തെ ആശങ്കയിലാക്കി കോവിഡ് മരണം 1,70,000 കടന്നു. ഇതുവരെ മരിച്ചവരുടെ എണ്ണം 1,70, 423 ആയി. രോഗബാധിതരുടെ എണ്ണം 25 ലക്ഷത്തോട് അടുത്തു. 24,81,026 പേരാണ് നിലവില് രോഗം ബാധിച്ച് ചികില്സയിലുള്ളത്. രോഗബാധിതരില് 56,765 പേര് അതീവഗുരുതരാവസ്ഥയിലാണ്.
അമേരിക്കയില് സ്ഥിതി രൂക്ഷമായി തുടരുകയാണ്. കോവിഡ് ബാധിച്ച് മരിച്ചവരുടെ എണ്ണം 42,514 ആയി. 24 മണിക്കൂറിനിടെ 1,932 പേര് മരിച്ചു. കാല്ലക്ഷത്തോളം പുതിയ കോവിഡ് കേസുകളാണ് അമേരിക്കയില് റിപ്പോര്ട്ട് ചെയ്തത്. ഇതോടെ രോഗികള് 7,92,759 ആയി.
മരണത്തില് അമേരിക്കയ്ക്ക് തൊട്ടുപിന്നിലുള്ള ഇറ്റലിയില് 24,114 പേര്ക്കാണ് ജീവന് നഷ്ടപ്പെട്ടത്. 1,78,972 പേര് രോഗബാധിതരായി ചികില്സയിലാണ്. സ്പെയിനില് 20,852 പേര് മരിച്ചു. ഫ്രാന്സിലും മരണം 20,000 കടന്നു. 20.265 പേരാണ് കോവിഡ് ബാധിച്ച് മരിച്ചത്. ബ്രിട്ടനിലെ മരണ സംഖ്യ 16,000 കടന്നു. 16,509 പേരാണ് മരിച്ചത്. തുര്ക്കിയിലും, റഷ്യയിലും രോഗികള് വര്ധിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ