വത്തിക്കാൻ സിറ്റി : ദേഹാസ്വാസ്ഥ്യത്തെ തുടർന്ന് ഫ്രാൻസിസ് മാർപാപ്പ നോമ്പ് കുർബാനയിൽ നിന്ന് വിട്ടുനിന്നു. റോമിലെ ബസിലിക്കയിൽ നോമ്പിന്റെ ഭാഗമായി മറ്റ് വൈദികർക്കൊപ്പം നിശ്ചയിച്ചിരുന്ന കുർബാനയാണ് മാർപാപ്പ ഒഴിവാക്കിയത്. മറ്റു പരിപാടികൾ മുൻകൂട്ടി നിശ്ചയിച്ചതനുസരിച്ച് നടത്തിയതായി വത്തിക്കാൻ അറിയിച്ചു.
ബുധനാഴ്ച നടന്ന വിഭൂതി ചടങ്ങുകൾക്കിടെ മാർപാപ്പയുടെ സ്വരം ഇടറുകയും ചുമയ്ക്കുകയും ചെയ്തിരുന്നു. ഇറ്റലിയിൽ കൊറോണ വൈറസ് പടരുന്നതു മൂലം മാർപാപ്പയുടെ ദേഹാസ്വാസ്ഥ്യം ആശങ്ക ഉണ്ടാക്കിയിട്ടുണ്ട്. സാന്റ മാർത്തയിലെ വസതിയിൽ തന്നെയാണ് അദ്ദേഹം കൂടുതൽ സമയവും ചിലവിടുന്നത്. മാർപാപ്പയുടെ അസുഖം സംബന്ധിച്ച് വത്തിക്കാനിൽ നിന്ന് കൃത്യമായ റിപ്പോർട്ടുകളൊന്നും ഇനിയും പുറത്തിവിട്ടിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
