വാഷിങ്ടൺ: ലോകത്തെ ആശങ്കയിലാഴ്ത്തി കോവിഡ് രോഗവ്യാപനം വർധിക്കുകയാണ്. ആഗോളതലത്തിൽ കോവിഡ് ബാധിതരുടെ എണ്ണം 1.1കോടി കടന്നു. 1,10,48,509 പേർക്കാണ് ഇതുവരെ കോവിഡ് സ്ഥിരീകരിച്ചത്. കൊറോണ ബാധിച്ചുള്ള മരണം 5.24 ലക്ഷത്തിലധികമായി.
ഇതുവരെ 27,93,435 പേർക്ക് രോഗം സ്ഥിരീകരിച്ച യുഎസ് തന്നെയാണ് രോഗബാധയിൽ ഒന്നാം സ്ഥാനത്ത്. യുഎസിലെ കോവിഡ് മരണസംഖ്യയും 1.29 ലക്ഷം പിന്നിട്ടിട്ടുണ്ട്. 61,884 മരണങ്ങൾ നടന്ന ബ്രസീലിനും 9,844 പേർ മരിച്ച റഷ്യയ്ക്കും പിന്നാലെ കോവിഡ് രോഗബാധയിൽ നാലാം സ്ഥാനത്താണ് ഇന്ത്യ.
സ്പെയിൻ- 2,97,625, പെറു- 2,95,599, ചിലി- 2,88,089, ബ്രിട്ടൻ- 2,84,276, മെക്സിക്കോ- 2,45,251 ഇറ്റലി- 241,184 എന്നീ രാജ്യങ്ങളിലും രോഗബാധിതർ കൂടുതലാണ്. ഇറാൻ, പാക്കിസ്ഥാൻ, തുർക്കി, സൗദി അറേബ്യ എന്നീ രാജ്യങ്ങളിലും കോവിഡ് ബാധിതരുടെ എണ്ണം രണ്ടു ലക്ഷം കടന്നു. നിലവിൽ 62,97,911 പേരാണ് കോവിഡിൽ നിന്ന് രോഗമുക്തി നേടിയിട്ടുള്ളത്. ജോൺസ് ഹോപ്കിൻസ് സർവകലാശാലയുടെ ഔദ്യോഗിക കണക്കുകൾ പ്രകാരമാണിത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ