ഹിന്ദു വനിതയെ കൊലപ്പെടുത്തി, തല വെട്ടി മാറ്റി, തൊലി ഉരിഞ്ഞുമാറ്റി; പാകിസ്ഥാനില്‍ ക്രൂരത
ന്യൂഡല്‍ഹി: പാകിസ്ഥാനില്‍ ഹിന്ദു വനിതയെ ക്രൂരമായി കൊലപ്പെടുത്തിയതില്‍ ഇന്ത്യ പ്രതിഷേധം അറിയിച്ചു. സിന്ധ് പ്രവിശ്യയിലാണ് മനസ്സാക്ഷിയെ ഞെട്ടിക്കുന്ന കൊലപാതകം നടന്നത്. ദിയ ഭീല്‍ എന്ന നാല്‍പ്പതുകാരിയെ കൊലപ്പെടുത്തി തല വെട്ടി മാറ്റി. ഇവരുടെ തലയോട്ടിയില്‍നിന്ന് തൊലി ഉരിഞ്ഞുമാറ്റിയ നിലയിലാണ് കണ്ടെത്തിയത്.
സംഭവസ്ഥലം സന്ദര്‍ശിച്ച പാകിസ്ഥാന്‍ പീപ്പിള്‍സ് പാര്‍ട്ടിയുടെ (പിപിപി) സെനറ്റര്‍ കൃഷ്ണ കുമാരി കൊലപാതകം സ്ഥിരീകരിച്ചു. മൃതദേഹം ഗോതമ്പുപാടത്ത് ഉപേക്ഷിച്ച നിലയിലാണ് കണ്ടെത്തിയത്. ഭീല്‍ ഗോത്ര വിഭാഗത്തില്‍ പെടുന്ന ദിയ വിധവയും 5 കുട്ടികളുടെ മാതാവുമാണ്. സംഭവത്തില്‍ പ്രദേശത്ത് വന്‍ പ്രതിഷേധം ഉടലെടുത്തു.
രാജ്യത്തെ ന്യൂനപക്ഷങ്ങളെ സംരക്ഷിക്കാനുള്ള ഉത്തരവാദിത്തം പാകിസ്ഥാന്‍ നിറവേറ്റണമെന്ന് ഇന്ത്യന്‍ വിദേശകാര്യമന്ത്രാലയം ആവശ്യപ്പെട്ടു. സംഭവത്തിന്റെ കൃത്യമായ വിവരങ്ങള്‍ ലഭിച്ചിട്ടില്ലെന്ന് മന്ത്രാലയം വക്താവ് അരിന്ദം ബാഗ്ചി പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
