ലാഹോര്: പാകിസ്ഥാനിലെ ലാഹോറില് ഉണ്ടായ സ്ഫോടനത്തില് മൂന്നു പേര് മരിച്ചു. 20 പേര്ക്കു പരിക്കേറ്റു. പലരുടെയും നില ഗുരുതരമാണെന്നാണ് റിപ്പോര്ട്ടുകള്.
ലഹോറിലെ അനാര്ക്കലി മേഖലയിലാണ് സ്ഫോടനമുണ്ടായത്. തിരക്കേറിയ തെരുവില് നിര്ത്തിയിട്ടിരുന്ന മോട്ടോര് സൈക്കിളില് സ്ഥാപിച്ച ബോംബ് പൊട്ടിത്തെറിക്കുകയായിരുന്നുവെന്നാണ് വിവരം.
പ്രദേശത്ത് കൂടുതല് ബോംബുകള് സ്ഥാപിച്ചിട്ടുണ്ടോയെന്നു പരിശോധിക്കാന് പൊലീസ് മേധാവി നിര്ദേശം നല്കി. ഇതിനായി ബോംബ് സ്ക്വാഡ് സ്ഥലത്തെത്തി.
സംഭവത്തെക്കുറിച്ച് റിപ്പോര്ട്ട് നല്കാന് പഞ്ചാബ് മുഖ്യമന്ത്രി പൊലീസ് മേധാവിയോട് ആവശ്യപ്പെട്ടു. പരിക്കേറ്റവര്ക്ക് ഏറ്റവും മെച്ചപ്പെട്ട ചികിത്സ ലഭ്യമാക്കുന്നതിന് സംവിധാനം ഒരുക്കാനും മുഖ്യമന്ത്രി നിര്ദേശിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ