അമേരിക്കയിൽ കറുത്ത വർഗക്കാരിയായ ഗർഭിണിയെ പൊലീസ് വെടിവച്ച് കൊല്ലുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. ഓഗസ്റ്റ് 24ന് നടന്ന സംഭവത്തിന്റെ ദൃശ്യങ്ങൾ ബ്ലെൻഡൻ ടൗൺഷിപ്പ് പൊലീസ് ഡിപ്പാർട്ട്മെന്റാണ് പുറത്തുവിട്ടത്. താകിയ യംഗ്(21) എന്ന യുവതിയാണ് കൊല്ലപ്പെട്ടത്.
കടയിൽ സാധനം വാങ്ങാനെത്തിയ യുവതി മോഷണം നടത്തിയെന്ന് കടയുടമ ആരോപിച്ചിരുന്നു. തുടർന്ന് ഇയാൾ പൊലീസിനെയും വിളിച്ചുവരുത്തി. ഇവിടെയെത്തിയ പൊലീസ് കാറിനുള്ളിൽ ഇരിക്കുകയായിരുന്ന യുവതിയോട് പുറത്തിറങ്ങാൻ ആവശ്യപ്പെട്ടു. എന്നാൽ ആവശ്യം നിരസിച്ച യുവതി വാഹനം മുന്നോട്ട് എടുത്തപ്പോൾ പൊലീസ് വെടിവയ്ക്കുകയായിരുന്നു.
യുവതിക്ക് വെടിയേറ്റതോടെ നിയന്ത്രണം നഷ്ടമായ കാർ കടയിൽ ഇടിച്ചുനിന്നു. ഉടൻതന്നെ യുവതിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. രണ്ടു കുട്ടികളുടെ അമ്മയാണ് കൊല്ലപ്പെട്ട താകിയ യംഗ്. അതേസമയം, യുവതിക്ക് നേരെ നിറയൊഴിച്ച ഉദ്യോഗസ്ഥനും കൂടെയുണ്ടായിരുന്നയാളും അവധിയിൽ പ്രവേശിച്ചു.ഇവർക്കെതിരെ ഒഹായോ ബ്യൂറോ ഓഫ് ക്രിമിനൽ ഇൻവെസ്റ്റിഗേഷൻസ് അന്വേഷണം ആരംഭിച്ചിരിക്കയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ