ജനീവ : ലോകത്തെ ആശങ്കയിലാഴ്ത്തി പടരുന്ന കോവിഡ് -19 വൈറസ് ഭീഷണി ഒരിക്കലും പൂര്‍ണമായി ഒഴിഞ്ഞുപോകില്ലെന്ന് ലോകാരോഗ്യ സംഘടനയുടെ മുന്നറിയിപ്പ്. വൈറസ് എപ്പോള്‍ അപ്രത്യക്ഷമാകുമെന്ന് പ്രവചിക്കാന്‍ ആര്‍ക്കും സാധിക്കില്ലെന്നും ലോകാരോഗ്യസംഘടനയുടെ അത്യാഹിത വിഭാഗം ഡയറക്ടര്‍ ഡോ. മൈക്ക് റയാന്‍ പറഞ്ഞു.
കോവിഡിനെതിരെ വാക്‌സിന്‍ കണ്ടെത്തിയാലും, വൈറസിനെ ഇല്ലാതാക്കാന്‍ വലിയ ശ്രമം ആവശ്യമാണ്. ഈ വൈറസ് എപ്പോള്‍ അപ്രത്യക്ഷമാകുമെന്ന് ആര്‍ക്കും പ്രവചിക്കുക സാധ്യമല്ല. വരും കാലത്തും ഈ വൈറസ് നമ്മുടെ സമൂഹത്തില്‍ നിലനില്‍ക്കുമെന്നും ഡോ. റയാന്‍ പറഞ്ഞു.
എച്ച്‌ഐവി വൈറസ് ഒരിക്കലും നമ്മുടെ സമൂഹത്തില്‍ നിന്നും പോയിട്ടില്ല. അതുപോലെ കൊറോണയും നമ്മോടൊപ്പം ഉണ്ടാകും. എച്ച്‌ഐവിയെ പ്രതിരോധിച്ച പോലെ കൊറോണ വൈറസിനെയും നാം പ്രതിരോധിക്കണമെന്നും ഡോ. റയാന്‍ ആവശ്യപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ