കൊച്ചിൻ ഷിപ്പ്‌യാർഡ് ലിമിറ്റഡ് (CSL) വിവിധ തസ്തികകളിൽ നിയമനം നടത്തുന്നു. മാനേജർ (ഡിഫൻസ്–ബിസിനസ് എക്സ്പാൻഷൻസ്), മാനേജർ (എൻവയോൺമെന്റ്), എക്സിക്യൂട്ടീവ് ട്രെയിനി (എൻവയോൺമെന്റ്) എന്നീ തസ്തികകളിലായി ആകെ നാല് ഒഴിവുകളാണ് റിപ്പോർട്ട് ചെയ്തിരിക്കുന്നത്. എല്ലാ തസ്തികകളിലേക്കും അപേക്ഷിക്കാനുള്ള അവസാന തീയതി 2026 ഓഗസ്റ്റ് 10 ആണ്. വിശദമായി പരിശോധിക്കാം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

1. മാനേജർ (ഡിഫൻസ്–ബിസിനസ് എക്സ്പാൻഷൻസ്)

മാനേജർ (ഡിഫൻസ്–ബിസിനസ് എക്സ്പാൻഷൻസ്) തസ്തികയിൽ രണ്ട് ഒഴിവുകളാണുള്ളത് (UR).

മെക്കാനിക്കൽ, മറൈൻ അല്ലെങ്കിൽ നേവൽ ആർക്കിടെക്ചർ എഞ്ചിനീയറിംഗിൽ കുറഞ്ഞത് 60 ശതമാനം മാർക്കോടെ ബിരുദവും ഇന്ത്യൻ നേവിയിൽ ലെഫ്റ്റനന്റ് കമാൻഡർ റാങ്കിലോ ഇന്ത്യൻ കോസ്റ്റ് ഗാർഡിൽ ഡെപ്യൂട്ടി കമാൻഡന്റ് റാങ്കിലോ സേവനപരിചയവും ബന്ധപ്പെട്ട മേഖലയിൽ കുറഞ്ഞത് ആറു വർഷത്തെ പ്രവൃത്തിപരിചയവും ഉണ്ടായിരിക്കണം.

തിരഞ്ഞെടുക്കപ്പെടുന്നവർക്ക് ₹60,000–₹1,80,000 ശമ്പള സ്കെയിലും നിലവിൽ ഏകദേശം ₹1.25 ലക്ഷം പ്രതിമാസ മൊത്തം ശമ്പളവും ലഭിക്കും. അപേക്ഷകരുടെ പരമാവധി പ്രായം 40 വയസ്സ് ആണ്.

മാനേജർ (എൻവയോൺമെന്റ്)

ഒരു ഒഴിവാണ് (UR) ഉള്ളത്. എൻവയോൺമെന്റൽ എഞ്ചിനീയറിംഗ്, എൻവയോൺമെന്റൽ സയൻസ് ആൻഡ് ടെക്നോളജി, എൻവയോൺമെന്റൽ എഞ്ചിനീയറിംഗ് ആൻഡ് മാനേജ്മെന്റ്, ക്ലൈമറ്റ് സയൻസ് എന്നിവയിൽ B.Tech/M.Tech/M.Sc യോഗ്യതയും ESG, Sustainability, Environmental Management മേഖലകളിൽ കുറഞ്ഞത് ഏഴ് വർഷത്തെ പ്രവൃത്തിപരിചയവും വേണം.

₹60,000–₹1,80,000 ശമ്പള സ്കെയിലും നിലവിൽ ഏകദേശം ₹1.25 ലക്ഷം പ്രതിമാസ മൊത്തം ശമ്പളവും ലഭിക്കും. അപേക്ഷകരുടെ പരമാവധി പ്രായം 40 വയസ്സ്.

എക്സിക്യൂട്ടീവ് ട്രെയിനി (എൻവയോൺമെന്റ്)

ഒരു ഒഴിവാണ് (UR) ഉള്ളത്. ബന്ധപ്പെട്ട വിഷയങ്ങളിൽ B.Tech/M.Tech/M.Sc യോഗ്യതയുള്ള യുവ പ്രൊഫഷണലുകൾക്ക് അപേക്ഷിക്കാം.

തിരഞ്ഞെടുക്കപ്പെടുന്നവർക്ക് ഒരു വർഷം പ്രതിമാസം ₹50,000 സ്റ്റൈപ്പൻഡോടെ പരിശീലനം ലഭിക്കും. തുടർന്ന് അസിസ്റ്റന്റ് മാനേജർ (E1) തസ്തികയിൽ ₹40,000–₹1,40,000 ശമ്പള സ്കെയിലിൽ നിയമനം ലഭിക്കും.

നിലവിലെ പ്രതിമാസ മൊത്തം ശമ്പളം ഏകദേശം ₹83,640, വാർഷിക CTC ഏകദേശം ₹15 ലക്ഷം. അപേക്ഷകരുടെ പരമാവധി പ്രായം 27 വയസ്സ്.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cochinshipyard.in/Careers