തൊണ്ടിമുതലും ദൃക്‌സാക്ഷിയിലേയും അഭിനയത്തിലൂടെ ലോകോത്തര താരമായിട്ടാണ് ഫഹദിനെ ഇപ്പോഴെല്ലാവരും കാണുന്നത്. വിജയത്തിന്റെ മധുരത്തില്‍ നില്‍ക്കുമ്പോഴാണ് ഫഹദിന്റെ ജന്മദിനം വരുന്നത്.
1982 ഓഗസ്റ്റ് എട്ടിനായിരുന്നു ഫഹദിന്റെ ജനനം. ആരാധകരില്‍ അധികമാരും താരത്തിന്റെ ജന്മദിനം അറിഞ്ഞില്ലെങ്കിലും, നസ്രിയ അത് എല്ലാവരേയും ഓര്‍മിപ്പിച്ചു. കൂടെ ഒരു സമ്മാനവും. അമ്മയോടൊപ്പം നില്‍ക്കുന്ന കുഞ്ഞു ഫഹദിന്റെ ഫോട്ടോയാണ് നസ്രിയയുടെ സമ്മാനം.
ഫഹദിന് ഏറ്റവും അടുപ്പം അമ്മയോടാണെന്നാണ് പൊതുവെയുള്ള സംസാരം. ഫഹദിന്റെ അനിയന്‍ ഫര്‍ഹാനും ഒരു അഭിമുഖത്തിനിടെ ഫഹദിന് അമ്മയോടുള്ള അടുപ്പത്തെ കുറിച്ച് പറഞ്ഞിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ