കേരളത്തില്‍ വിവാദങ്ങളുടെ അകമ്പടിയോടെ ആണ് മോഹന്‍ലാലിനെ നായകനാക്കി ഒരുങ്ങുന്ന മഹാഭാരതത്തിന്റെ തുടക്കമെങ്കിലും സിനിമയ്ക്ക് പൂര്‍ണ പിന്തുണ വാഗ്ദാനം ചെയ്തിരിക്കുകയാണ് യുഎഇ ഭരണകൂടം.
ഗള്‍ഫി വ്യവസായി ബി.ആര്‍.ഷെട്ടി ആയിരം കോടി രൂപ മുതല്‍ മുടക്കില്‍ നിര്‍മിക്കുന്ന സിനിമയ്ക്ക് യുഎഇ സാംസ്‌കാരിക മന്ത്രി ഷെയ്ഖ് നഹ്യാന്‍ ബിന്‍ മുബാറക് അല്‍ നഹ്യാനാണ് പിന്തുണ വാഗ്ദാനം ചെയ്തിരിക്കുന്നത്.
ഇന്ത്യയും യുഎഇയും തമ്മില്‍ ദീര്‍ഘകാലമായുള്ള ബന്ധം മെച്ചപ്പെടുത്താന്‍ മഹാഭാരതം സിനിമയിലൂടെ സാധിക്കുമെന്നും യുഎഇ മന്ത്രി പറഞ്ഞു. ചിത്രത്തിന്റെ ആദ്യ ഭാഗം അബുദാബിയില്‍ ചിത്രീകരിക്കാനാണ് ഒരുങ്ങുന്നതെന്നാണ് സൂചന. ഇതിന് വേണ്ട എല്ലാ സഹായവും യുഎഇ സാംസ്‌കാരിക മന്ത്രി വാഗ്ദാനം ചെയ്തിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ