ബോക്‌സ് ഓഫീസില്‍ ഭൂകമ്പം തീര്‍ത്ത് 10000 കോടിയെന്ന റെക്കോര്‍ഡ് കളക്ഷനിലേക്ക് കുതിക്കുകയാണ് ബാഹുബലി. അതിനിടയിലാണ് ബാഹുബലി ടെലിവിഷന്‍ സീരിയലായി പ്രേക്ഷകര്‍ക്ക് മുന്നിലേക്കെത്തുമെന്ന വാര്‍ത്ത വരുന്നത്.
ബാഹുബലിയെന്ന ബ്രഹ്മാണ്ഡ ചിത്രത്തിന്റെ നിര്‍മാതാക്കള്‍ തന്നെയാണ് രണ്ട് ഭാഗങ്ങളിലായിറങ്ങിയ ബാഹുബലി കൂട്ടിച്ചേര്‍ത്ത് ടെലിവിന്‍ സീരിയല്‍ നിര്‍മിക്കുമെന്ന് വ്യക്തമാക്കിയത്. ബാഹുബലിയായെത്തിയ പ്രഭാസിന്റേയും രണ്ടാം ഭാഗത്തില്‍ പ്രേക്ഷകരെ ആവേശത്തിലാക്കിയ അനുഷ്‌കയുടേയും മറ്റ് താരങ്ങളുടേയും സ്ഥാനത്ത് സീരിയലില്‍ ആരായിരിക്കും എത്തുകയെന്ന് തീരുമാനിച്ചിട്ടില്ല.
10 മുതല്‍ 15 എപ്പിസോഡായിരിക്കും സീരിയലിന് ഉണ്ടാവുക. ബാഹുബലി ഇപ്പോള്‍ ആന്ധ്രയുടെ മാത്രമല്ല. ലോകം മുഴുവന്‍ പ്രേക്ഷകര്‍ ബാഹുബലിയെ ഏറ്റെടുത്തെന്നും സിനിമയുടെ നിര്‍മാതാക്കള്‍ പറയുന്നു. ഹിന്ദിയിലായിരിക്കും സീരിയല്‍ നിര്‍മിക്കുക. പിന്നീട് മറ്റ് ഭാഷകളിലേക്ക് ഇത് തര്‍ജിമ ചെയ്യും.
ബിഗ് സ്‌ക്രീനില്‍ ബാഹുബലി തീര്‍ത്ത അത്ഭുതം മിനി സ്‌ക്രീനില്‍ ആവര്‍ത്തിക്കുമോയെന്ന് കണ്ടറിയാം...
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ