കരിയറിന്റെ തുടക്കത്തില്‍ ചെയ്ത ഗ്ലാമര്‍ വേഷങ്ങള്‍ ബോളിവുഡ് നടി നേഹ ദൂപിയയ്ക്ക് ഇപ്പോള്‍ തലവേദനയായിരിക്കുകയാണ്. തന്നെ സെക്‌സി എന്ന് വിളിക്കുന്നതില്‍ തീര്‍ത്തും അസ്വസ്ഥയാണ് നേഹ. സിനിമയില്‍ ഗ്ലാമര്‍ വേഷങ്ങളില്‍ നിന്ന് മാറി നിന്നിട്ടും സെക്‌സ് സിംബലായി കാണുന്നത് ഏറെ ബുദ്ധിമുട്ടുണ്ടാക്കുന്നുണ്ടെന്ന് പിടിഐക്ക് നല്‍കിയ അഭിമുഖത്തില്‍ നേഹ വ്യക്തമാക്കി.
ആളുകള്‍ സെക്‌സി എന്ന് വിളിക്കുന്നത് കേള്‍ക്കുമ്പോള്‍ അസ്വസ്ഥത തോന്നാറുണ്ട്. ആ വാക്ക് തന്നെ എനിക്ക് വെറിപ്പാണ്. ആളുകള്‍ എന്നെ ഒരു സെക്‌സ് സിംബലായിട്ടാണ് വിശേഷിപ്പിക്കുന്നത്, എന്നാല്‍ താന്‍ അങ്ങനെയൊരാളല്ല എന്നും നേഹ പറഞ്ഞു. എന്നാല്‍ സെക്‌സ് സിംബലിന് വേണ്ട ഗുണങ്ങള്‍ തനിക്കുണ്ടെന്ന് കരുതുന്നില്ലെന്നും സെക്‌സ് സിംബലായി വിശേഷിക്കാന്‍ മാത്രം ഹോട്ടല്ല താനെന്നും അവര്‍ വ്യക്തമാക്കി.
ഖയാമത് അണ്ടര്‍ ത്രെട്ട് എന്ന ചിത്രത്തിലൂടെയാണ് നിയ പ്രേക്ഷകരുടെ മനസ് കീഴടക്കിയത്. പിന്നീട് ചെയ്ത ചിത്രങ്ങളിലും നിയ ഗ്ലാമര്‍ വേഷങ്ങളാണ് കൈകാര്യം ചെയ്തത്. എന്നാല്‍ പിന്നീട് മിഥ്യ, ഹിന്ദി മീഡിയം പോലുള്ള തീകച്ചും സാധാരണ വേഷങ്ങള്‍ ചെയ്‌തെങ്കിലും ഇപ്പോഴും പ്രേക്ഷകര്‍ ഇവരെ സെക്‌സ് സിംബലായാണ് കാണുന്നത്. 15 വര്‍ഷത്തെ സിനിമ ജീവിതം പൂര്‍ത്തിയാക്കുമ്പോള്‍ സെക്‌സി എന്ന വിളിയില്‍ നേഹ തീര്‍ത്തും അസ്വസ്ഥയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ