പ്രമുഖ ഹോളിവുഡ് നിര്‍മാതാവായ ഹാര്‍ലി വെയിന്‍സ്റ്റെയിനെതിരെയുള്ള ലൈംഗീക അതിക്രമ ആരോപണങ്ങളില്‍ കൂടുതല്‍ സംസാരിക്കുന്നത് തടയുന്നതിനുള്ള ഉടമ്പടിയില്‍ ഒപ്പിടാന്‍ ഒരു മില്ല്യണ്‍ ഡോളര്‍ തനിക്ക് വാഗ്ദാനം ചെയ്‌തെന്ന് നടി റോസ് മക്‌ഗോവ് ആരോപിച്ചു. കൂടുതല്‍ സ്ത്രീകള്‍ സമാനമായ ആരോപണങ്ങളുമായി രംഗത്തെത്തിയതിന് പിന്നാലെയാണ് വെയിന്‍സ്റ്റെയിനുമായി വളരെ അടുത്തുനില്‍ക്കുന്ന ഒരാളില്‍ നിന്ന് തനിക്ക് ഈ വാഗ്ദാനം ലഭിച്ചതെന്ന് റോസ് ഒരു പ്രമുഖ ദിനപത്രത്തിന് നല്‍കിയ അഭിമുഖത്തില്‍ പറയുന്നു.
ഈ മാസം ആദ്യം വെയിന്‍സ്റ്റെയിനെതിരെ ലൈംഗിക ആരോപണവുമായി രംഗത്തെത്തിയ റോസ് തന്നോട് പലരും ഈ തുക സ്വീകരിക്കാന്‍ ആവശ്യപ്പെട്ടിരുന്നെന്ന് പറയുന്നു. എന്നാല്‍ തനിക്ക് വെറുപ്പു തോന്നുന്ന ആ പണം തനിക്കാവശ്യമില്ലെന്നാണ് റോസിന്റെ നിലപാട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ