ഒരുമിച്ച് പൂള്‍സൈഡില്‍ നില്‍ക്കുന്ന ചിത്രം ഷെയര്‍ ചെയ്തായിരുന്നു ടൈഗര്‍ ഷ്‌റോഫും, ദിഷ പടാണിയും ബാഗി2 ന്റെ ഷൂട്ടിങ് അവസാനിച്ചത് ആഘോഷമാക്കിയത്. ടൈഗര്‍ ഷ്‌റോഫ് ഇന്‍സ്റ്റഗ്രാമിലൂടെയാണ് ചിത്രം ഷെയര്‍ ചെയ്തത്.
പൂള്‍സൈഡിന് പിന്നില്‍ തിരിഞ്ഞു നില്‍ക്കുന്ന ഫോട്ടോ ഷെയര്‍ ചെയ്തതിന് പിന്നാലെ വൈറലാവുകയും ചെയ്തു. നിമിഷ നേരം കൊണ്ട് രണ്ട് ലക്ഷത്തിലധികം ലൈക്കുകളും പിന്നിട്ടു.
ടൈഗര്‍ ഷ്‌റോഫിന്റെ മസിലുകള്‍ നിറഞ്ഞ ശരീര സൗന്ദര്യത്തിന്റെ ആരാധികമാരാണ് ചിത്രത്തിനടിയില്‍ കമന്റുമായി നിറയുന്നത്. 2016ല്‍ ടൈഗര്‍ ഷ്‌റോഫ് നയകനായി പുറത്തിറങ്ങിയ ചിത്രമാണ് ബാഗി. ശ്രദ്ധ കപൂറായിരുന്നു അന്ന് നായിക.
ഇതിന് മുന്‍പ് ബെഫിക്രയില്‍ ടൈഗര്‍ ഷ്‌റോഫും, ദിഷയും ഒരുമിച്ചഭിനയിച്ചിരുന്നു. ബാഗി 2വിനായുള്ള ടൈഗറിന്റെ പരിശീലന ചിത്രവും കഴിഞ്ഞ ദിവസം സമൂഹമാധ്യമങ്ങളില്‍ വൈറലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ