പുകവലി ആരോഗ്യത്തിന് ഹാനികരമാണ്. സ്ത്രീകളാണ് പുകവലിക്കുന്നതെങ്കില്‍ പ്രശ്‌നം കൂടുതല്‍ ഗുരുതരമാകും. ഇപ്പോള്‍ അമല പോളാണ് തന്റെ സ്വപ്ന ചിത്രം പോസ്റ്റ് ചെയ്ത് പ്രശ്‌നത്തില്‍ അകപ്പെട്ടിരിക്കുന്നത്. കൈയില്‍ സിഗററ്റുമായി നില്‍ക്കുന്ന ഒരു ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തതോടെയാണ് ചീത്തവിളിയും ഉപദേശവുമായി ആരാധകര്‍ രംഗത്തെത്തിയത്.
താന്‍ പുകവലിയെ പ്രോത്സാഹിപ്പിക്കുകയല്ലെന്നും ഇത് തന്റെ സ്വപ്ന ചിത്രമാണെന്നും പറഞ്ഞുകൊണ്ടാണ് അമല പോള്‍ ചിത്രം പോസ്റ്റ് ചെയ്തിരിക്കുന്നത്. 'ഒരു ഹോളിവുഡ് ആരാധികയുടെ സ്വപ്നത്തില്‍ ജീവിക്കുകയാണ്. എല്ലാ താരങ്ങള്‍ക്കും ജനപ്രീതി നേടിയ ഒരു സ്‌മോക്കിംഗ് ഷോട്ടുണ്ടാകും. ഇതാണ് എന്റേത്' എന്നാണ് അമല കുറിച്ചത്.
ഇതോടെ താരത്തിനെതിരേ വിമര്‍ശനവുമായി നിരവധി പേര്‍ രംഗത്തെത്തി. യുവാക്കള്‍ക്ക് മാതൃകയാകേണ്ടവര്‍ തന്നെ പുകവലിയെ പ്രോത്സാഹിപ്പിക്കുന്നത് ശരിയല്ല എന്നാണ് ഒരു വിഭാഗം പറയുന്നത്. മറ്റൊരുവിഭാഗം പോസ്റ്റിന് താഴെ ചീത്തവിളി നടത്തുകയാണ്.
കഴിഞ്ഞ ദിവസം ഹുക്ക വലിക്കുന്ന ഹന്‍സികയുടെ ചിത്രവും വലിയ വിമര്‍ശനങ്ങള്‍ക്ക് കാരണമായിരുന്നു. മഹയുടെ പോസ്റ്ററിലാണ് കാവി വസ്ത്രം ഉടുത്ത് ഹന്‍സിക ഹുക്ക വലിച്ചത്. മതത്തെ അവഹേളിച്ചു എന്നു പറഞ്ഞാണ് ഒരുവിഭാഗം രംഗത്തെത്തിയത്. വിജയുടെ സര്‍ക്കാരിന്റെ പോസ്റ്ററും പുകവലി വിവാദത്തില്‍ കുടുങ്ങിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ