വരുന്ന ജൂലൈ 28ന് മലയാളികളുടെ സ്വന്തം ഡിക്യുവിന് പിറന്നാളാണ്. ആരാധകലോകത്തിന്റേയും പ്രിയപ്പെട്ടവരുടെയുമെല്ലാം സമ്മാനങ്ങും ആശംസകളും താരത്തെ കാത്തിരിക്കുന്നുണ്ട്. എന്നാല്‍ അതിനെല്ലാം മുന്‍പ് ദുല്‍ഖര്‍ സല്‍മ്മാന് ഒരു രസകരമായ പിറന്നാള്‍ സമ്മാനം ലഭിച്ചു.
ബോളിവുഡില്‍ നിന്നാണ് ആ സര്‍പ്രൈസ് ഗിഫ്റ്റ് കിട്ടിയിരിക്കുന്നുന്നത്. ദുല്‍ഖറിന്റെ ആദ്യ ബോളിവുഡ് സിനിമയായ കര്‍വാന്റെ സംവിധായകന്‍ ആകര്‍ഷ് ഖുരാനയാണ് പിറന്നാള്‍ സമ്മാനം നല്‍കിയത്. കര്‍വാന്‍ സിനിമയില്‍ ഉടനീളം കാണിക്കുന്ന നീല വാനാണ് ആകര്‍ഷ് സമ്മാനമായി നല്‍കിയത്.
ഈ വാന്‍ സമ്മാനിക്കാന്‍ രണ്ടു കാരണങ്ങളാണ് ഉള്ളത്, ഒന്ന് ഈ സിനിമയില്‍ ഉടനീളം ഉണ്ടായിരുന്ന പ്രധാന കഥാപാത്രമാണ് ഈ വാന്‍. ദുല്‍ഖര്‍ കൂടുതല്‍ സമയം ചെലവഴിച്ച വാനാണിത് മറ്റൊന്ന് ദുല്‍ഖറിന് വാഹനങ്ങളോടുള്ള ഇഷ്ടമാണ്. വാഹനപ്രേമിയായ അദ്ദേഹത്തിന്റെ ശേഖരത്തില്‍ ഇതും ഇരിക്കട്ടെ. ആകര്‍ഷ് മാധ്യമങ്ങളോട് പറഞ്ഞു.
ഇര്‍ഫാന്‍ ഖാന്‍, ദുല്‍ഖര്‍ സല്‍മാന്‍, മിഥില പാര്‍ക്കര്‍ എന്നിവര്‍ കേന്ദ്ര കഥാപാത്രങ്ങളാവുന്ന കര്‍വാന്‍ ആഗസ്റ്റ് 3 ന് തിയേറ്ററുകളില്‍ എത്തും. അഭിഷേക് ശര്‍മ സംവിധാനം ചെയ്യുന്ന ദി സോയ ഫാക്ടറാണ് ദുല്‍ഖറിന്റെ അടുത്ത ബോളിവുഡ് ചിത്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ