കൊച്ചി : ഞാന്‍ മേരിക്കുട്ടി എന്ന ചിത്രത്തിന് പിന്നാലെ, ജയസൂര്യയും രഞ്ജിത്ത് ശങ്കറും വീണ്ടും ഒന്നിക്കുന്നു. പ്രേക്ഷക ശ്രദ്ധ നേടിയ പ്രേതത്തിന്റെ രണ്ടാം ഭാഗവുമായാണ് ഇരുവരും വീണ്ടുമെത്തുന്നത്. ക്രിസ്മസിന് ചിത്രം റിലീസ് ചെയ്യാനാണ് ആലോചനയെന്നാണ് റിപ്പോര്‍ട്ട്.
പതിവ് ഹൊറര്‍ ചിത്രങ്ങളില്‍ നിന്നും വ്യത്യസ്തമായ പരീക്ഷണവുമായാണ് പ്രേതം തിയേറ്ററുകളിലെത്തിയത്. ജയസൂര്യ മെന്റലിസ്റ്റ് ആയി എത്തിയ പ്രേതം ഏറെ ശ്രദ്ധിക്കപ്പെടുകയും ചെയ്തിരുന്നു. എന്നാല്‍ പ്രേതം 2, ഒന്നാം ഭാഗത്തിന്റെ തുടര്‍ച്ചയായിരിക്കില്ലെന്നും മറ്റൊരു കഥയാണ് പറയുന്നതെന്നും സംവിധായകന്‍ വ്യക്തമാക്കി.
ആദ്യ സിനിമയില്‍ ഉണ്ടായിരുന്ന താരങ്ങള്‍ എല്ലാം പുതിയ ചിത്രത്തില്‍ ഉണ്ടാകില്ലെന്നും രഞ്ജിത് ശങ്കര്‍ സൂചിപ്പിച്ചു. ജയസൂര്യയും രഞ്ജിത് ശങ്കറും ചേര്‍ന്നാണ് ചിത്രം നിര്‍മ്മിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ