മുംബൈ: ഫോണ്‍ കോളിലൂടെ ഭീഷണി സന്ദേശമെത്തിയതായി നടി ശ്വേതാ മേനോന്. താരസംഘടനയായ അമ്മയുടെ എക്‌സിക്യൂട്ടീവ് കമ്മിറ്റിയിലേക്ക് തിരഞ്ഞെടുക്കപ്പെട്ടുവെന്ന സന്ദേശത്തിന് പിന്നാലെയാണ് ഭീഷണിയെത്തിയത്.
ഫോണ്‍ കോളിലൂടെയെത്തിയ ഭീഷണിയെ തുടര്‍ന്ന് ശ്വേത മുംബൈ സൈബര്‍ സെല്ലില്‍ പരാതി നല്‍കി. ആറ് ദിവസം മുന്‍പായിരുന്നു അമ്മയുടെ എക്‌സിക്യൂട്ടീവ് മെമ്പറായി തിരഞ്ഞെടുത്തു എന്ന വിവരം എന്നെ വിളിച്ചറിയിച്ചത്. ഞായറാഴ്ച പത്ത് മണിയോടെ അജ്ഞാത നമ്പറില്‍ നിന്നും കോള്‍ വരികയും, നിങ്ങളുടെ ഇന്‍ഡസ്ട്രി നിങ്ങളെ ചതിക്കും എന്നുള്‍പ്പെടെ പറഞ്ഞതായുമാണ് ശ്വേത പറയുന്നത്.
തിരിച്ച് ഈ നമ്പറിലേക്ക് വിളിച്ചുവെങ്കിലും മറുപടി ലഭിച്ചില്ല. തന്റെ രണ്ട് നമ്പറിലേക്കും കോള്‍ വന്നുവെന്നും, എല്ലാം അറിയുന്ന ആള്‍ തന്നെയാണ് ഇതിന് പിന്നിലെന്നും ശ്വേത പറയുന്നു. അമേരിക്കയിലായിരുന്ന ശ്വേത പത്ത് ദിവസത്തിന് മുന്‍പാണ് മുംബൈയിലെത്തിയത്. അമ്മയുടെ എക്‌സിക്യൂട്ടിവ് കമ്മിറ്റിവ് മെമ്പറായി തെരഞ്ഞെടുക്കപ്പെട്ടത് അംഗീകാരമായി കാണുന്നുവെന്നും ശ്വേത പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ