മുംബൈ; യോഗ ചെയ്യുമ്പോള്‍ മനുഷ്യ ശരീരത്തിനും മനസിനുമുണ്ടാകുന്ന ഗുണങ്ങള്‍ ഓര്‍മിപ്പിച്ചുകൊണ്ട് ലോകമെമ്പാടും ഇന്നലെ യോഗ ദിനം ആഘോഷിച്ചു. ഹോട്ട്‌സ്റ്റാര്‍ രാഖി സാവന്തും യോഗയുടെ പ്രാധാന്യം വ്യക്തമാക്കിക്കൊണ്ട് രംഗത്തെത്തിയിരിക്കുകയാണ്. മുംബൈയില്‍ നടന്ന യോഗദിനാചരണത്തില്‍ പങ്കെടുത്തുകൊണ്ടുള്ള ചിത്രങ്ങളാണ് രാഖി പങ്കുവെച്ചത്.
ഓരോ ദിവസവും യോഗ ചെയ്ത് തുടങ്ങണമെന്നും യോഗ മനസിനും ശരീരത്തിനും ഒരു പോലെ ഫലപ്രദമാണെന്നും രാഖി പറയുന്നു. യോഗ ചെയ്യുമ്പോള്‍ നമ്മളിലെ ആന്തരികഊര്‍ജം വീണ്ടെടുക്കാനാവുമെന്നും താരം വ്യക്തമാക്കി. സര്‍ഗാത്മകതയുടെ വീണ്ടെടുപ്പാണ് യോഗാസനങ്ങളിലൂടെ ലഭിക്കുന്നതെന്നും രാഖി സാവന്ത് മുംബൈയില്‍ പറഞ്ഞു.
യോഗയ്ക്കായി ദിവസവും അഞ്ച് മിനിറ്റെങ്കിലും മാറ്റിവെക്കണമെന്നും പ്രശ്‌നങ്ങള്‍ മറികടക്കാനുള്ള ഉചിതരൂപമാണ് ഇതെന്നും രാഖി കൂട്ടിച്ചേര്‍ത്തു. സോഷ്യല്‍ മീഡിയയില്‍ വൈറലാവുകയാണ് രാഖിയുടെ ഹോട്ട് യോഗ ചിത്രങ്ങള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ