തന്റെ ജീവിതത്തിലുണ്ടായിട്ടുള്ള പ്രണയ ബന്ധങ്ങളെക്കുറിച്ചും പ്രണയതകര്‍ച്ചകളെക്കുറിച്ചും തുറന്നു പറഞ്ഞ് ബോളിവുഡ് നടി കങ്കണ റണൗത്ത്. നിരവധി പേരെ പ്രണയച്ചിട്ടുണ്ടെങ്കിലും ഇതുവരെ താന്‍ ആരെയും വേണ്ടെന്ന് വെച്ചിട്ടില്ലെന്നും എല്ലാവരും തന്നെയാണ് വേണ്ടന്നുവെച്ചിട്ടുള്ളതെന്നും അവര്‍ പറഞ്ഞു. ന്യൂസ് 18 ന്റെ റൈസിംഗ് ഇന്ത്യ സമ്മിറ്റില്‍ സംസാരിക്കുകയായിരുന്നു കങ്കണ.
നടന്‍ ഹൃത്വിക് റോഷനുമായുള്ള ബന്ധത്തെക്കുറിച്ചും താരം പറഞ്ഞു. 'തന്റെ ജീവിതത്തെക്കുറിച്ച് എല്ലാകാര്യങ്ങളും എങ്ങനെയാണ് അറിയുന്നതെന്ന് എന്റെ കാമുകന്‍ ചോദിക്കാറുണ്ട്. അതൊരു മന്ത്രവാദമാണ്, ടെലിപതിക്. എന്റെ പ്രണയം ഒരു മനോരോഗിയാണ് പിന്നീട് അത് ശരിയായി. ഞാന്‍ മറ്റൊരാളെ കണ്ടെത്തും.' കങ്കണ പറഞ്ഞു.
'തനിക്ക് നിരവധി പ്രണയങ്ങളുണ്ടായിരുന്നു. ഓരോ പ്രണയവും തകരുമ്പോഴും എന്റെ പ്രണയ ജീവിതം അവസാനിച്ചെന്നു കരുതും. പ്രണയം എനിക്ക് ശാരീരികം മാത്രമല്ല, അത് ആത്മീയവും പരിശുദ്ധവുമാണ്. ആ മനുഷ്യന്‍ നമ്മുടെ അടുത്തില്ലെങ്കില്‍ പോലും നമ്മുടെ ശരീരത്തിന്റെ ഓരോ അണുവും ഉണര്‍ന്നിരിക്കുന്ന ഫീല്‍ ശരിക്കും മനോഹരമാണ്.'
'16 വയസു മുതല്‍ 31 വയസുവരെ ഉണ്ടായിട്ടുള്ള പ്രണയങ്ങളില്‍ ഒരാളെ പ്പോലും തഴയാന്‍ എനിക്ക് കഴിഞ്ഞില്ല. എല്ലോഴും എന്നെയാണ് വേണ്ടെന്ന് വെക്കുന്നത്. എല്ലാവരും എന്നെവിട്ടു പോകും പക്ഷേ അവര്‍ തിരിച്ചു വരികയും ചെയ്യും എന്നാല്‍ ഞാന്‍ അവരെ വീണ്ടും സ്വീകരിക്കാറില്ല. കാരണം അപ്പോഴേക്കും മറ്റൊരു പരാജിതന്റെ അടുത്തേക്ക് ഞാന്‍ പോയിട്ടുണ്ടാകും.' കങ്കണ പറഞ്ഞു.സഞ്ജയ് ലീല ബന്‍സാലിയുടെ പത്മാവദിനെ വിമര്‍ശിച്ച സ്വര ഭാസ്‌കറിന്റെ നിലപാടുകളേയും കങ്കണ പ്രശംസിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ