ഇടക്ക് ഇടക്ക് ബ്ലോഗ് എഴുതാറുള്ളയാണ് മോഹന്‍ലാല്‍. എന്നാല്‍ കുറച്ച് മാസങ്ങളായി താരം ബ്ലോഗെഴുത്ത് നിര്‍ത്തിയിരിക്കുകയായിരുന്നു. ചില തിരക്കുകള്‍ കാരണമാണ് എഴുതാന്‍ കഴിയാത്തത് എന്ന് അദ്ദേഹം തന്നെ പറഞ്ഞിട്ടുമുണ്ട്. എന്നാലിതാ ഏറെക്കാലത്തിന് ശേഷം ഏറെ വൈകാരികമായ എഴുത്തുമായി രംഗത്തെത്തിയിരിക്കുകയാണ് ലാലേട്ടന്‍.
ലോകപ്രശസ്ത ശാസ്ത്രജ്ഞന്‍ സ്റ്റീഫന്‍ ഹോക്കിങ്ങിന്റെ മരണത്തിന്റെ കഥ പറയുന്ന എഴുത്താണ് ഇത്തവണ അദ്ദേഹം ആരാധകര്‍ക്കായി പങ്കുവച്ചത്. വീല്‍ചെയറിയില്‍ ജീവിതം തുടരുന്നവരുടെ വേദനയും സ്വപ്‌നങ്ങളും പങ്കുവയ്ക്കുന്ന ബ്ലോഗില്‍ താരം ഏതാനും നാളുകളായി വീല്‍ചെയറില്‍ കഴിയുന്ന തന്റെ അമ്മയെക്കുറിച്ചും പ്രതിപാദിക്കുന്നുണ്ട്.
കുറച്ച് മാസങ്ങളായി വളരെയേറെ തിരക്കിലായിരുന്നുവെന്നും അതിനാല്‍ ബ്ലോഗെഴുതാന്‍ സാധിച്ചില്ലെന്നും മോഹന്‍ലാല്‍ പറയുന്നു. ഇത് മോഹന്‍ലാല്‍ എന്ന നടനല്ല എഴുതുന്നത് വീല്‍ചെയറിയിലിരുന്ന അമ്മയുടെ വിഷമതകള്‍ കണ്ട ഒരു മകന്റെ കുറിപ്പാണ് എന്നു കൂടി പറഞ്ഞാണ് മോഹന്‍ലാല്‍ വാക്കുകള്‍ അവസാനിപ്പിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ