ആരാധാകര്‍ ആക്ഷാംക്ഷയോടെ കാത്തിരിക്കുന്ന മോഹന്‍ലാല്‍ ചിത്രം ഒടിയന്‍ ഡിസംബര്‍ പതിനാലിന് തീയേറ്ററുകളിലെത്തുകയാണ്. ലോകമാകെ 2,000തീയേറ്ററുകളിലാണ് ചിത്രം റിലീസ് ചെയ്യുന്നത്. 

ശ്രീകുമാര്‍ മോനോന്‍ സംവിധാനം ചെയ്ത ചിത്രം കേരളത്തില്‍ 400കേന്ദ്രങ്ങളിലാകും റിലീസ് ചെയ്യുക. കൂടുതല്‍ തീയേറ്ററുകളില്‍ റിലീസ് ചെയ്യുന്നത് സിനിമയുടെ ദീര്‍ഘകാല പ്രദര്‍ശനത്തിന് പ്രതികൂലമാകും എന്ന് കണക്കുകൂട്ടി 400 തീയേറ്ററുകളില്‍ മതിയെന്ന് തീരുമാനിക്കുകയായിരുന്നുവെന്ന് നിര്‍മ്മാതാവ് ആന്റണി പെരുമ്പാവൂര്‍ പറഞ്ഞു. 

മലയാളത്തിലും ബിഗ് ജജറ്റ് ചിത്രങ്ങള്‍ നിര്‍മ്മിക്കാന്‍ കഴിയുമെന്ന് ലോകത്തിന് കാണിച്ചുകൊടുക്കാന്‍ ഒടിയനിലൂടെ സാധിക്കുമെന്ന് സംവിധായകന്‍ ശ്രീകുമാര്‍ മേനോന്‍ പറഞ്ഞു. 

ചിത്രത്തിന്റെ പ്രൊമോഷന്റെ ഭാഗമായി അണിയറ പ്രവര്‍ത്തകര്‍ എയര്‍ടെല്ലുമായി ധാരണയിലെത്തിയിരുന്നു. ഒടിയന്‍ സിമ്മുകളും മീറ്റ് ഒടിയന്‍ മത്സരവും സംഘടിപ്പിക്കുമെന്ന് എയര്‍ടെല്‍ കഴിഞ്ഞ ദിവസം വ്യക്തമാക്കിയിരുന്നു. മോഹന്‍ലാലിനൊപ്പം മഞ്ജു വാര്യര്‍ പ്രകാശ് രാജ് ഇന്നസെന്റ്,സിദ്ദിഖ് എന്നിവരും ചിത്രത്തില്‍ പ്രധാന വേഷങ്ങലിലെത്തുന്നു.